立場新聞 Stand News

【香港 no.1】香辣海鮮杯麵 全球網民票選最佳口味 被稱「港式泡菜海鮮」?

2016/9/12 — 16:54

香港係美食天堂,原來連杯麵都好食過人?最近合味道杯麵舉行全球杯麵口味選舉,香港代表「香辣海鮮味」奪首獎,成為全球網民最愛口味。不過,合味道方面就形容這個杯麵的味道是「港式泡菜海鮮」。老老實實,港式泡菜即係點?

合味道杯麵為紀念誕生 45 週年,在世界各地挑選 20 種口味,供網民票選心水。選舉由 5 月 11 日起至 31 日止。11 個國家共推出 20 款口味候選,如泰國有冬陰蝦、新加坡有辣椒蟹、德國有蘑菇、美國有雞等。中國也有推出五香牛肉味和香辣牛肉味,而香港代表則是香辣海鮮味和 XO 醬海鮮味。最終香港擊敗中國,甚至全世界,香辣海鮮味成功奪得 no.1。

香港網民對票選結果反應大致正面,有網民介紹返話「落兩條辣椒仔仲正」、「香港人對食杯麵最有經驗」,不過也有網民表示,「轉咗包裝後難食咗好多」、「咖哩海鮮先係最好味」。點解咖哩海鮮味無得選呢?當然因為佢無得入閘,這是個有篩選的選舉也。

廣告

提醒返讀者,呢個其實都係合味道的宣傳 campaign。順帶一提,合味道搵日本 blog 出了個廣告,搵人試足 20 個杯麵,其中香港辣海鮮的試食感想是「加了泡菜風味的海鮮味」,合味道網站也稱得獎味道為「港式泡菜海鮮」(泡菜在香港?問過金仔未?)。此外,還有味道分佈圖,供網民參考。愈往上是愈濃味,愈往右是愈唔辣:

廣告

發表意見