立場新聞 Stand News

20 分鐘自製越南米紙春卷 好 L 簡單

2016/6/15 — 11:56

L = Level, 即係呢個食譜既程度 (Level)係屬於容易, 係人都整到咁解。其實澳洲呢度係有好多越南移民的, 而佢地好多都做食肆 (最好就唔好做壽司啦… 至於點解, 請自己睇舊文 “5大澳洲伏食” ; 佢地做越南餐廳, 係好多都幾好食既 (真)。

咁熟食我就當然寄唔到返來賣俾你地喇, 想食好西的朋友可以試下自己整。

 

廣告

個米紙春卷:

熟蝦無殼        1碗左右啦

廣告

生菜            都係1碗左右

薄荷葉          大約12塊

Basil           都係大約12塊

米紙            6塊

 

果個唔知叫咩名, 又唔知甜定酸定鹹咁既汁:

蒜蓉            2茶匙

辣椒碎          2茶匙

魚露            4-5湯匙 (逐少落, 邊試味, 每款魚露鹹度有別)

青檸汁          1個

檸檬汁          半個

糖          3-4湯匙 (試味, 個人口味唔同, 唔想跣你)

水          半杯左右 (試味呀…)

 

點搞呢喂:

灼熟蝦, 去殼(如果你係都要買有殼蝦的話), 洗好薄荷葉同basil, 只用葉, 唔用莖 (唔駛諗住可以用埋佢慳下, 條莖通常好硬的), 呢幾樣算係好簡單。

挑蝦腸: 如果買有殼的蝦, 而又唔想食屎, 請挑腸。

至於米紙, 通常買返來的時候是乾的一包包裝好, 用水濕一濕, 等一等(約10秒)就會軟化同可以包。我初時識條鐵, 落完水等左好耐(約5秒), 見佢無反應, 又再落水, 然後佢突然濕晒(約2秒), 塊米紙就會好易爛, 然後再變埋米糊, 近乎use7less, 寫出來唔係俾個位你笑夠我, 係要來俾大家引以為老尷的。

將所有野包住響塊米紙裡面(咁梗係除左個汁啦大佬), 堆蝦會好似被黑暗既力量封印左, 出唔到來咁, 就係岩架喇。

溫聲乜乜物物提示:

用室溫水整濕隻手 (係, 當然係洗乾淨手先啦), 用隻濕手平均響塊野上面抹一圈, 隔2秒用另一隻手再抹多圈。

佢懶靚咁放上隻碟, 期間不斷嘗試搵個最靚的角度影相, 大約2個鐘之後就可以食了 (反正都係凍架啦)。

 

專業 Hi 我

 

發表意見