立場新聞 Stand News

5008 的絕殺

2016/9/2 — 20:20

女神終於垂鑒我的意願,跟我在耀華街一家酒吧內 happy hour。

雖然她之後約了男友吃飯,但我不敢怨言半句。

「Sorry,等咗好耐?」Lucy 還未坐下來便說。

廣告

「八年啫,唔係好耐。」我笑著回一句。

她沒好氣的看我一眼,仿佛渾不在意。我沒有徵求她同意,請侍應給她一杯 Long Island。

廣告

「唔係咁 aggressive 啩,Long Island?」她似笑非笑的說。

「妳第一次同我飲嘢都係叫 Long Island,唔係咁快變咗口味啩?」我說。

「陳生,而家六點半喳喎,isn't that too much alcohol for this hour?」她看一看錶說。

「原來唔係唔啱口味,係錯咗 timing。」我一副閒話家常的樣子。

「今日係唔係我講乜你都諗住搵位入?」Long Island 來到,她輕輕啜了一口。

時光飛逝,轉眼便是七點四十分。

我叫 waitress 拿了一些牙簽,希望跟她臨別前玩個遊戲,也當然順便趁機移位到她旁邊。如圖所示,我用牙簽砌了 5008 這個數字。

「郁兩支牙籤,變個最大數值出嚟。」我說。

「陳思銘,so you are gonna punish my brain after I am almost done with my Long Island?」

「你砌個數可以大過我個答案,我送份大禮畀你。」我沒有理會她的話。

佢嘅 first try 係 15003,唔錯,好過有啲豬兜話係 9901。

諗諗吓,佢又轉一轉,今次係 50031。

跟住好快又改變主意,99501。

她望一望我,要提示的意願很明顯,於是我說:「呢個答案都有 King's College level,but then 未去到你應該有嘅 Warwick level。」

拖著頭的她很美,我很想親她一下。半晌後,她的眼珠一動,弄來一個 811105。我拍兩下手說:「呢個直情係 Imperial College level,佩服。」

「有咩大禮收?」她攤著手說。

「都未話你贏。」我說。「不如咁,如果我砌到個數,比你個 811105 大 一萬倍,你今晚推咗你男朋友,同我食飯。」

她左思右想一番後,說:「我真係好唔想推我男朋友,但我真係想知你點可以整個咁大嘅數。」

So do we have a deal?我問。

Yes,她說。

我從 5008 的個位數,輕輕拿走兩支牙簽,再放上右上角,變成 5003 嘅 11 次方。

她定定的看著枱面這個數字,嬌柔地看著我說:「我今晚想食泰國嘢。」

如果你以為故事就是這樣完結的話,你就錯了。

兩天後,我跟幾個舊同學吃飯,又跟他們玩了這個數字遊戲一次。

「吓?咁舊㗎你,好多年前玩過啦。」其中一個同學說。「我仲記得 Lucy 講嗰個答案大到冇人有。」

有幾大?

另外一個同學說:「5003 嘅 11 次方嘛。」

以上嘅故事只係我嘅綺夢,我想講嘅重點係,葉念琛嘅愛情劇橋段,原來連我啲三腳貓功夫都寫到。

發表意見