立場新聞 Stand News

Eccentric — 當怪人遇上主流

2018/5/31 — 16:45

欅坂46《エキセントリック》(Eccentric)片段截圖

欅坂46《エキセントリック》(Eccentric)片段截圖

【文:阿祺 @全民教育局 HKEd4All】

(作者按:我無心喺到 pub「櫸坂46」㗎,唔好屈我呀。)

Eccentric — (of a person or their behaviour) unconventional and slightly strange.

廣告

— 又或某族群好鐘意講嘅「odd」,廣義地説即係奇怪。

阿祺一直都以講英文嗰時好濃嘅英國口音(其實係學 Jeremy Clarkson 講嘢)而沾沾自喜,確實不知天高地厚。所以,喺一次嘅聚會上,一位我非常敬重嘅中學老師當住一眾朋友面前咁評價我:

廣告

「佢怪人嚟㗎嘛!公屋出身以為自己英國返嚟真係好笑。」

呵呵,我心諗你呢句真係得罪哂千千萬萬個屋邨仔;不過我當下冇咩反應,只係輕輕一笑了之。

完咗個聚會揸車返屋企嗰時,咁啱播到櫸坂46首《エキセントリック》(Eccentric),容我引幾句歌詞:

I am eccentric 変わり者でいい
(I am eccentric 當個怪人又何妨)

理解されない方が よっぽど楽だと思ったんだ
(不被理解 反而還感到快樂)

はみ出してしまおう 自由なんてそんなもの
(破格一點又怎樣 所謂自由其實就是這樣)

我常常覺得,香港人好既定好古板嘅 social norms 其實限制咗好多人嘅發展以至生存空間。著衫新潮少少丶買架個牌子冇人識嘅車丶又或者有自己嘅生活方式,就好容易挑起事端、繼而被扣上怪人這頂帽子。有人話你有唔同性取向,你係怪人。你喺個社會唔跟「規矩」玩,你係怪人。你唔 go with the flow,你係怪人。總之:「你同我唔同,你就係怪人」。

到底,我係為邊個而活?為你?還是,我?我呢篇文唔係要 criticise 家長,而係廣義上所有恃自己比青年人年長、人生經驗更豐富的人士,包括個別自以為是的教育工作者。有時候,我就係想 get myself back(Sorry 我係 J-POP 粉)有自己嘅生活節奏。我點解要跟你説話做人?你又係乜嘢?你有乜資格去左右一個人嘅人生?

「因為我係大人,而家我帶你出嚟開你眼!跟我行袋錢入你袋咋。」

哦。哈哈。

致各位同路人,Be Eccentric. 我哋冇做錯到。

 

全民教育局 Facebook

發表意見