AC

AC

立場 Green 、科學版編輯,閑時鐘意飲飲食食。

2019/5/28 - 13:10

【Pici】最紅手工意粉吧非你莫屬

意粉這回事,尤其 carbonara 自從數年前在意大利食太多食到嘔住返香港之後,都有點抗拒,不過難得 Pici 開到荔枝角,平日午餐又有多個好選擇。

Pici 專注製作意式小食和手工意粉,是否完美呈現意大利道地風味就見仁見智,但絕非「揸流灘」。剛開業不夠一週自然人龍不絕(還要不可電話預約),結果下午一點半來,仍要等至少二十分鐘。

廣告

午餐包前菜主菜以及甜品,完全是晚餐份量。前菜點了牛舌,香草莎莎醬配烤過的脆蔥是未試過的配搭夠特別,薄切牛舌牛味稍遜,未至於入口即溶但不會太韌。

主菜點了海鮮闊條麵,麵質 Al dente 勁有嚼口,絕非在意大利尋常餐廳「求其」煮的意粉(香港普遍意大利餐都好食過當地餐廳),所以等廿分鐘也是非常值得,配菜的海鮮也是很新鮮,唯獨青口過鹹要扣分。

Penna cotta 也是妙極,柔滑、奶味重,不知怎的也有點豆味,配上紅莓的酸,好吃非常。

一個午餐百多元對很多打工仔算是貴,一個月可能月頭出糧先有得吃,但對我來說這真是物超所值,抵佢近期爆紅。

午餐 Tagliatelle Di Mare HKD158

性價比:3.7/5

好食:3.7/5

衛生:3.7/5

Pici

地址:荔枝角長順街 15 號 D2 Place 二期地下 G03 號舖

電話號碼:25577227

原刊於作者 Instagram