立場新聞 Stand News

【一地兩檢】反駁「方便」「擔心可以不撘」等說法 大狀沈士文:如此理據法庭聽都唔聽

2017/12/28 — 14:40

沈士文

沈士文

全國人大常委會昨日通過高鐵「一地兩檢」合作安排,特首林鄭月娥形容人大常委會批准「一地兩檢」是一件「大好事」。大律師沈士文今早出席商台節目說,坊間有人說高鐵一地兩檢安排是「方便」、「好事」、甚至有稱若有擔心可不乘搭高鐵等論點,在法庭上根本站不住腳,「如果在法庭入面講呢啲嘢的話,直頭叫做laugh out of court,即係聽都唔聽。」

他又指出,事件涉重大議題,不會說「貪方便」就算,「無論係好事壞事都好,都要根據基本法條文。」

沈士文說,香港社會有一種說法,指通過高鐵西九站一地兩檢是「好事」,為了方便無傷大雅、甚至稱擔心的人可以不乘搭高鐵等,「呢一類論點,其實對於我哋認識法律的人來說,其實如果在法庭入面講呢啲嘢的話,直頭叫做 laugh out of court,即係聽都唔聽。」

廣告

沈士文指,此事關乎香港實行什麼法律,是重大議題,不會說「貪方便」就算。「其實我哋唔係講緊方便同埋係唔係好事,有時可能係好事,有時可能係壞事。無論係好事壞事都好,都要根據基本法條文,去作出新的法律基礎,點可以因為貪方便,你(政府)唔答呢類的論點。」

沈士文:即使最終或致釋法   司法覆核仍有意義

廣告

沈又指,是次人大常委決議後即交香港立法,是新的法律來源,情況比釋法更壞,在一地兩檢本地立法完成後,可從本地法院挑戰。沈士文形容今次「衰過釋法」,因釋法亦有程序,仍可表達意見。沈認為,即使在香港法院挑戰是次決定,最終有機會導致釋法,但仍有其意義。「就算係咁樣的話,都係有一個程序上的公義,就唔可以無端端創造一個新的法律來源。」

他續說,「如果我哋默默接受咗呢,今日就係西九,聽日就唔知第二啲咩法律,咁佢就會用返同樣無上權威的講法,人大常委過咗,有個憲法上的權威,香港就要跟架喇,咁呢樣嘢係後患無窮。」

沈士文又指,《基本法》列明人大有權力修改或解釋《基本法》,但亦需依從一定程序,而今次人大通過一地兩檢決議案後交香港立法,是「新的法律來源」。

 

發表意見