立場新聞 Stand News

不排除繼續參選 馮檢基:世上無鎅票

2018/11/26 — 5:11

馮檢基

馮檢基

在今次九龍西補選中獲12,509票的民協前主席馮檢基,再次否認自己參選是「鎅票」,「世界上無鎅票,只有問自己點解唔夠票,話人鎅票係搵代罪羔羊,逃避自己做得唔好嘅責任」,他又指他和李卓人的選票相加都不及陳凱欣,「漁人無得利,漁人係贏我哋,我哋兩個加埋係輸,市民係揀左佢」。

他亦未有明確回應,日後會不會再參選,只是稱若非建制派甚至建制派,用篩選等不民主方式令香港「政治獨裁」,「 可以推動民主嘅方法我都會用,包括會唔會考慮選舉」。

馮檢基在公布選舉結果後總結今次選情,他認為自己所得的票是來自「唔想含淚投票」的選民,今次選舉結果反映目前「香港仍然係兩大陣營,不容其他可能性」,雖然票數不多,但他深信有部份市民「唔鍾意建制派亦唔鍾意非建制派」,若兩大陣營繼續篩選壟斷,「會愈來愈多人唔鍾意呢兩個陣營,呢萬幾票會十倍增加」,強調他得票多少不代表他參選的決定是否錯,「啱定錯唔係睇人數,希特拉都係大多數人支持,啱定錯係睇價值」。

廣告

他多次被問到今次參選是否「鎅票」,李卓人敗選他有沒有責任,馮檢基稱除非是來自同一系統的參選人,否則世上並無「鎅票」,「咁係咪陳凱欣鎅晒我啲票呢?佢咁多票」,又質疑「鎅票論」只是有人為自己尋找代罪羊,因為他和李卓人的票數相加都比陳凱欣少,「係我哋自已,唔能夠將民主係市民眼前活出來」。

至於他是否會日後轉走「中間路線」,甚至和理念相同的人組黨,馮檢基稱「我而家無咩路線」,日後會再檢討分析選舉結果。

廣告

發表意見