朝雲

朝雲

左膠

2019/8/1 - 22:49

不要出於惡意分化就好

市民到葵涌警署門外聚集,聲援 7.28 上環衝突被捕人士

市民到葵涌警署門外聚集,聲援 7.28 上環衝突被捕人士

【澄清】有見網上一些爭論,作為過來人認為應該澄清。

一、保釋金要自己畀 ....

在下一直習慣保釋金要自己畀,當事人可以和警署拗。

廣告

若在坊間找律師,已經需要計時間畀律師費,市價以萬計。但義務律師團隊通宵穿梭不同警署,協助保釋上庭,處理警暴投訴,一直不收分毫。

二、義務律師團隊唔會跟到底 ....

在傘運被捕者有數百人,包括不同派系,凡在下所認識義務律師團隊都跟到底。

不解為何有人這樣造謠,是出於什麼惡意。

三、叫你申請法援,即係律師團隊有錢收喇 ....

似乎有些人不明白,律師團隊要幫被告打甩官司,每名被告背後不止有一位大律師,背後還有一支律師團隊,只計睇警方錄影同辯方錄影,就要反覆睇幾個月,睇到佢地幾乎眼盲。

只要旁聽過梁天琦案,便知審訊牽涉幾多影片,辯方要同控方逐條片,每分鐘計時計秒咁拗。當然仲有法例同法律理據。

官司長達幾年,成支協助被告嘅律師團隊都要生活。若被告不幸不合資格申請法援,就要 claim 基金嘅錢,但基金嘅錢好有限,所以合資格申請法援都應該申請,以減輕基金負擔。

四、暴動案勝算唔大 ....

視乎去區域法院抑或高等法院,後者有陪審團勝算較高。但去哪所法院完全由律政司決定,連法官都無權置喙。

而且案件性質因人而異。例如旺角衝突中有些被告的確做過嘢,警方影片拍得清楚,律師團隊建議認罪,致力於陳情和減刑,絕不表示他們做得差。

五、律師團隊表現參差 ....

若果你住半山,請得到余若海同清洪,你可以咁講。

若果你是普通人,在下可以好肯定同你講:你通過基金搵到嘅律師一定比坊間好。

在下於區域法院見證過不同的暴動罪被告,通過基金或自行聘請律師,郭憬憲為前者服務,表現高下立判。

通過基金找到的大律師,比如李柱銘、駱應淦、潘熙、劉偉聰、郭憬憲等等,平時幫達官貴人打甩官司好搵好多,一般人根本請唔起;在律師行跟他們的徒弟也是全港最 top 嘅律師。

律師之間有佢地嘅恩怨,但好慶幸在下冇遇到。

六、直接捐錢畀被告 ....

捐錢畀被告同捐錢畀基金冇衝突,正如買飯同買豬嘴可以並行不悖。

除非有人捐錢畀被告,多到能夠幫被告請清洪,否則在下真誠建議所有被告,都通過 612 基金求助,真的對他們最好,在下作為過來人出自肺腑。

不篤灰、不割蓆、不譴責。在下一直做到。

不要出於惡意分化就好。


(原刊作者 facebook,標題為編輯所擬)