立場新聞 Stand News

不要因為他是 the lesser evil 就忘記他也是 evil 的本質

2017/2/9 — 19:00

曾俊華

曾俊華

【文:詞窮】

筆者讀了最近關於長毛參選之爭議,見社會聲音之分裂,特此撰文,以表立場。

1. 他也許是 the lesser evil,但不等於需要我們支持

廣告

你可能話曾俊華既作風無林鄭咁強硬,你可能話曾俊華係同西環距離最遠,你可能話曾俊華既治港班子/管治能力較林鄭高⋯⋯但唔代表曾俊華就係一個好既人選。

香港人自雨傘革命之後,因為無力感日益高漲,好渴望可以有一個希望出現,而曾俊華與林鄭,正好成為香港人內心既一種投射。

廣告

因為林鄭被稱為 689 2.0,而大家希望有所改變、希望可以出現一個好既特首、希望未來唔會咁灰,就將曾俊華由 the lesser evil 推至一個好特首人選既層次。開始有人覺得曾俊華推廿三條都可以,開始有人支持曾俊華。

但重點在於,因為曾俊華係 the lesser evil,所以市民就要支持?

其實市民支持與否,根本就不影響選舉結果,我們手上根本沒有票。而曾俊華民意高漲之惡果在於,我地就係為佢未來所推行既惡政背書。

無論曾俊華定林鄭當選,其實佢地兩個都會將香港帶入絕路。你可能話曾俊華行得無林鄭咁快,但咁樣就代表我地要支持佢、包括佢既政綱/政治立場 (如八三一、廿三條)?

2. the lesser evil 當選,不是一件好事,因為他也是 evil。

你不能說因為我們得到了一個不是最差的結果,就是好結果。

我地支持曾俊華,然後可能曾俊華當選,然後我地好開心,覺得林鄭選唔到真係好,然後我地同曾俊華所講既一樣、我地休養生息,然後曾俊華推廿三條,然後香港依然係官商勾結、樓價高企、年青人睇唔到出路、小朋友學業壓力大到要自殺、自由行、單程證侵佔香港、中港融合、粵語沒落⋯⋯

曾俊華當選,只會令我地繼續接受 choose the lesser evil 既諗法,自此每次去到香港人需要作決定既關頭,我地都 choose the lesser evil,然後我地唔會再諗仲有咩制度以外既抗爭,然後我地仲會記得當初點解要走上街頭咩?

香港人其實都知道自己係一隻比溫水煮緊既蛙,我地2014年嘗試過跳出去但失敗左,所以我地開始接受自己比人煮緊既事實,只希望水溫唔好升得咁快就好。

 

作者Facebook

發表意見