立場新聞 Stand News

不難預料得到市民會反抗吧!怎麼今天個個突然失憶?

2019/8/14 — 18:17

立場新聞圖片

立場新聞圖片

【文:Cheryn Chan】

林鄭政府由一開始決定用暴力鎮壓,警隊決定替林鄭政府執行、以暴力對付市民。不難預料得到市民會反抗吧!

經過 721、811 以及各區不合理既暴力。市民係人,唔係死物,會反抗人之常情。最即時、緊急既反抗方法就係以暴制暴。

廣告

片中顯示警察一衝入機場入口就即刻推跌了女遊客(相信係遊客因為該女仔一跌低,疑似同行朋友拖住個喼跑回和制服女遊客的警察解釋),係電光火石之間,逃走得快既市民見到後面有個女仔被按低,敏感神經馬上聯想到警察過往既無理暴力鎮壓及追捕,本能反應係救個被按低既女仔。之後發生既事大家都睇得好清楚。

片中所發生既一切係結果,並唔係原因,唔係單純叉頸、拔槍咁簡單。請大家用智慧去判斷。槍頭要對準所有事既起因。

廣告

現在既情況,我只可以講還手制警我係不分化不割蓆!警察係太古行刑式槍射正往地鐵扶手電梯離開既市民時,市民可以反抗嗎?有任何手段可以叫警察馬上停止襲擊市民嗎?

就係因為警察有槍,市民當刻什麼都做不到,就只可捱打。只係兩日前既事,難道你已經忘記得一乾二淨?

切記!由 6 月到而家,因為有三不,我地先行到咁耐。  

不分化、不割蓆 、不篤灰。

而家開始要清楚加埋四大底線:

不打記者
不打救護
不濫用私刑
不攻擊平民

大家請將槍頭對準政權!

發表意見