立場新聞 Stand News

中伏嘅仲可能包括埋梁君彥

2016/10/22 — 16:00

2016年10月12日,經民聯梁君彥以三十八票當選新一屆香港立法會主席。

2016年10月12日,經民聯梁君彥以三十八票當選新一屆香港立法會主席。

兩個青政新丁儍更更中咗圈套都唔知,自陷於困境。之前都曾經寫文章講過,為咗拉佢兩人下馬,就算犧牲這個「戀殖假愛國」主席梁君彥亦會在所不惜。

嗱,依家建制派講到明啦,唔理你主席有冇法律依據,係咪喺議事規則搵到條文賦予過呢種權力,總之就係要你搞掂佢。「唔係法律問題,係政治問題」。仲講得唔夠清楚?

俾得呢個主席位你做,就係要你幫阿爺執行政治任務,就係要你做 Dirty Jobs,議事規則唔該你擺埋一邊。唔係駛乜咁將就你,連個英國護照都未取消就捧你梁君彥上神枱。梁君彥你以為自己真係好英明神武呀?呢個世界有政治免費午餐嘅咩?

廣告

依家都幾好睇,如果梁君彥依佢哋意思做,政治後果嚴重囉!如果你唔跟,佢哋話會搞亂你個場喎。你作為主席塊面擺去邊?將來歷史上話,你呢位新主席一上場,就連續幾個禮拜都流會喎。到時就真係愧對列祖列宗嘞!

所以話呢,你以為呢班建制派真係當你係隊友呀?係共產黨嘅政治操作下,爹親娘親不及毛主席親呀。

廣告

刊於作者facebook

發表意見