立場新聞 Stand News

中國證件,香港投票?

2016/9/4 — 18:28

【文:SL - 何兆】

今日去投票,發現我旁邊有位伯伯攞住張回鄉證去投票,我以為大熱天時又要伯伯行多次,辛苦晒。點知,選舉主任OK,,選票照出...

我即刻問投票助理員
“乜回鄉證可以做ID投票嘅咩?”

廣告

兩位投票助理員爭著答我
“可以呀,因為回鄉證上面有身份證號碼㗎嘛”

我想問,一張由中華人民共和國公安部出入境管理局根據《中國公民因私事往來香港地區或澳門地區的暫行管理辦法》簽發嘅『回鄉證』,如何響一國兩制嘅情況之下,成為可認可嘅身份證明文件,去響香港立法會選舉投票?何況選舉委員會講到明,要以『香港身份證』到票站核實選民身份方可投票。

廣告

我打咗電話去選舉管理委員會投訴,之後激鬼氣折返票站搵票站主任詢問,問佢知唔知回鄉證係唔可以做證明文件去投票,回鄉證係中國政府發出又唔知,問佢有冇brief過啲投票助理員又口啞啞,淨係keep住問我

“你想點?”

我並唔係要叫大家投邊個,而係想講,選舉委員會,你哋可唔可以認真啲做好你份工呀!如果問我想點...

“我想有個公平公正嘅選舉,去選擇我地既將來”

選舉有唔同嘅聲音係好事,即係仲有得揀,今日大家既選擇,唔係為咗今日嘅香港,而係選擇將來留比下一代既香港。揀自己相信同代表自己嘅,分清楚社區服務同立法會嘅職能,揀覺得信嘅候選人就夠啦。議會,本來就係要有不同嘅聲音,一齊去議定各類政策嘅地方,大家今日記住去一齊做好香港公民嘅責任,投票比自己相信嘅候選人,香港仲有希望㗎,加油!

(原文刊於作者 facebook

發表意見