立場新聞 Stand News

中大的支援

2019/7/26 — 17:15

作為中大校友兼公餘講師,耐唔耐會獲副校長同校友事務處邀請見面,分享一下有關營銷宣傳同與學生溝通嘅意見。

大前日急 Call 約見,事前冇講明所為何事,但坐低開門見山,原來係傾抗爭發展至今,尤其係就週末有可能喺元朗出現衝突,思考可以如何支援學生呢個問題,我有點感動。

中大有好多持份者,要出面力挺學生,面對壓力難免。但我同副校長講,元朗無差別打人事件後,黑白太過分明,要有帶頭做啲嘢嘅勇氣。作為一所大學,有個 Line to take 一定唔會錯,就係要以學生嘅安全為第一考慮,對佢地身體同心靈健康提供支援。

廣告

或許,呢啲支援未必樣樣有實質作用,但將校方願意幫助學生呢個訊息發出去,讓同學們知道佢地並不孤單,我認為都係非常重要。

今日,校方出咗一封信俾全中大學生,當中包括臨時住宿安排、法律支援、醫療支援、情緒支援等等。去到今日呢個社會狀況,真係每一個崗位嘅人,都盡一己之力去幫忙。

廣告

雖然前路茫茫,但見到好多人都唔放棄,我們都唔應該絕望。

中大致學生信節錄如下:

【臨時住宿】
• 如同學在此期間擔心自身安全而需要臨時住宿,可向各書院或學生事務處聯絡。

【法律支援】
• 大學已聯絡了數位具法律專業背景的校友,可為有需要同學提供法律支援,包括保障同學的法律權利。
• 大學並已進一步諮詢法律意見,在有需要時可安排律師到場提供協助。

【醫療支援】
• 中大同學均可向大學保健處求醫。同學在求診過程所提供的資料,絕對保密。 
• 如同學需要特別醫療諮詢,大學會協助聯絡校內的專家,提供可行的協助 。

【情緒支援】
• 學生事務處心理健康及輔導中心 (WACC) 已經安排輔導員就緊急個案提供即日諮詢服務。同學所提供的所有資料,絕對保密。 (學校輔導員心理輔導服務電話: 3943 7208 或 3943 3493/電郵: [email protected])
• 舉辦有關心理/情緒支援的講座或工作坊,例如「如何應對創傷後壓力症候群」供同學參加。
• 學生事務處心理健康及輔導中心已經與24小時支援熱線 
(電話: 5400 2055) 的服務機構溝通,加強支援服務。

作者facebook

發表意見