立場新聞 Stand News

中學生指周浩鼎似學生出貓 「被老師揭發先話自己唔小心」 斥是非黑白不分

2017/5/21 — 13:28

譚耀宗為學生(小圖)質問周浩鼎事件 (香港電台節目截圖)

譚耀宗為學生(小圖)質問周浩鼎事件 (香港電台節目截圖)

城市論壇今日討論「浩鼎門」,出席的民建聯前主席譚耀宗多番表示,周浩鼎只是「唔小心」,無意隱瞞文件被特首梁振英修改一事。台下有中學生發問時,將事件比喻為學生「出貓」,問譚耀宗,「如果學生出貓,被人發現先話無隱瞞、被揭發先話自己係唔小心畀老師發現,究竟係啱定錯?」

該中學生指,周浩鼎被發現同梁振英有接觸,修改調查文件,但卻沒有在開始時就向調查委員會言明,被人發現就說自己無隱瞞,「畀社會嘅訊息究竟係啱定錯?點樣分是非黑白?」她又舉例:「作為一個學生,如果我出貓、抄功課,被人發現先話無隱瞞,好似譚耀宗所講,被揭發先話自己只係唔小心畀老師發現咗,無隱瞞,究竟我係啱定錯?」

對於該學生的問題,譚耀宗如此回應:「同學講到出貓問題,我就勸你梗要小心,如果喺學校犯規,一定會受到批評,喺立法會就仲大件事,喺學校啲同學都唔會群起而攻,喺立法會,嘩,乘機插到你暈、上綱上線,乜都做齊。周浩鼎亦都受咗教訓,大家以後做嘢真係要小心,喺學校冇咁嚴重,喺立法會就嚴重到,打到你永不翻身啊。」

廣告

議員毛孟靜立即指譚耀宗,「你宜家承認周浩鼎喺立法會係出貓?」譚耀宗急指,「我無咁講過」。

廣告

發表意見