立場新聞 Stand News

【九子罪成】陳淑莊稱被疑似便衣跟縱 「我哋雖然被定罪,但唔係走犯」

2019/4/10 — 12:49

佔中九子案,九人獲准保釋,等候 4 月 24 日判刑,陳淑莊在退庭後透露,休庭期間在法庭範圍懷疑被便衣警察跟縱,「我哋雖然被定罪,但我哋唔係走犯」,質疑既然法官准許他們保釋,跟縱監視她有何依據,「你係咪跟到我返屋企,跟到我返立法會,你係咪跟曬我全家?我不能接受。」她發言時神情激動,警告不希望同樣事件再發生在她及其他被告,以至香港人身上。

陳淑莊在退庭後主動向在場記者透露,在休庭一小時期間,被相信是便衣警員的人跟縱監視,「係非常嚴重嘅事,侮辱緊我、亦騷擾我朋友」;她表示該名懷疑便衣一直跟隨她,但無和她握手打氣交流,相信不是支持者,期後有另外三個有「組織一齊」的人出現,但涉事人扮不認識對方,後來又發現他們一同交談,「我有理由懷疑佢係便衣警察」。

她質疑自己雖然被定罪,但法庭都准許她保釋,若真是警察跟蹤她「係咪有咁嘅需要」,「如果警察真係要跟我,你俾個理由我,邊個落咁嘅指令,而家警察好得閒?」

廣告

她強調一眾被告一直光明正大、光明磊落,除了保護自己亦希望保護香港人,「如果我連自己家人朋友都保護唔到,仲無理被監視跟縱,絕對不能接受」。

廣告

另一名過往兩天在場的便衣警員

另一名過往兩天在場的便衣警員

發表意見