立場新聞 Stand News

九龍區遊行 — 香港人仲係好火!

2019/7/8 — 21:43

作者 Facebook 圖片

作者 Facebook 圖片

這是第一次九龍區可以集結咁鬼死多人。香港人仲係好火呀!大家仍然係咁有力量仍然係唔會放棄。看見更加多的年青家庭帶住小朋友一齊走到尖沙咀這一段路上面,心裏面覺得感動之餘也覺得好有希望。其實啱㗎,呢個地方就係佢哋嘅未來,大家一齊守護佢免於恐懼嘅自由俾任何嘢都重要。

理大嘅朋友仔好有心,在現場派一小包的糖果俾所有的人,派來希望大家要甜甜蜜蜜一齊堅持落去,望見都好 sweet。起步前,大會宣佈默哀一分鐘紀念那些逝去的生命。我哋希望人人都知道,每一個同路人都好重要,由而家開始每一區都會有不同種類嘅遊行同埋抗議活動,朋友仔我哋好需要你哋嚟幫手,我哋一齊啦,你唔忍心掉低我哋嘅係咪?

至於我同一眾兄弟姊妹手裏面都有唔同嘅國內被失蹤人士嘅牌,就係想話畀大家知道,萬一我哋真係冇辦法迫到政府撤回嘅話,一旦送返去國內受審,大家就會變成同佢哋一樣,好快就被消失於空氣中。呢啲人都係國內一啲好有心去幫人爭取勞工權益或因宗教而被打壓嘅人。嗱,無票可投、無普選嘅地方咪會咁囉!幫人維權就捉你、冇得見律師、冇得見屋企人。

廣告

廣告

 

#九龍最美麗的一天
#對抗打壓
#大家嘅力量
#唔會停嘅

(標題為編輯改擬)

作者 Facebook

發表意見