立場新聞 Stand News

了解國情 真係萬能Key

2017/11/21 — 20:41

李飛、中共中央文獻研究室主任冷溶(資料圖片)

李飛、中共中央文獻研究室主任冷溶(資料圖片)

了解國情,真係萬能Key。

學校直播李飛講話,係幫助學生了解國情;而家冷溶嚟香港,又話幫助官員了解國情。

冷溶其實係邊位?

廣告

冷同志係中共中央文獻研究室主任。香港人習慣將所有京官,扭埋一抽叫「中央官員」,今次冷同志就貨真假實,係「中央官員」,「黨中央」嗰個中央,佢係「共產黨官」,唔係「中華人民共和國」嘅官。

講起呢個中共中央文獻研究室,利害啦,前身叫「中共中央毛澤東主席著作編輯出版委員會辦公室」,顧名思義,係負責整理偉大毛主席著作嘅機構。

廣告

毛澤東死後,就改組成「文獻研究室」,有六個編研部,第一部負責毛澤東、第二部負責周恩來、劉少奇、第三部到鄧小平、陳雲(唔係王天擊殺嗰個)、第四係老江、第五係阿胡、第六部就到習大大。

簡單講,係個整理「領導」著作嘅政治宣傳機關。

而家,港府邀請呢位「共產黨」嘅黨史專家嚟香港,向從屬「中華人民共和國」嘅香港官員,講「中國共產黨」嘅十九大報告。

如果喺當中睇到國情,最清楚嘅肯肯定係,黨國不分,將大陸嗰套刷鞋歌頌領導拉嚟香港,唔覺唔覺變成常態。

林鄭、張建宗今日出賣香港,為國食屎 ,日後必有所報,祝諸位官員他朝道何志平後塵,玩能源。

發表意見