立場新聞 Stand News

人生為了選擇 有票點解唔要?

2016/5/1 — 10:34

2.28 新東補選,大埔區一票站。

2.28 新東補選,大埔區一票站。

選民登記最後兩天了。

我今年廿幾歲,經常有種感覺,就是這個年紀的人,照計應該都不介意投票——以前在學時期,選學生會都有民主選舉啦,人大了,登記做選民、投票,似乎順理成章。

但這兩三年,我問了身邊不少年紀相若的朋友,發現又唔係喎!原來好多人,一直沒有登記做選民。而且數量,比你所想的,多好多。原因可以有好多,或許因為懶,或許因為覺得政治黑暗,或許因為不投票也沒什麼所謂,是的,是的。投了票,可能社會也沒什麼改變。

廣告

但每次選舉前,我會是想不厭其煩地游說大家,麻煩你去試一試擁有選票的滋味。點解呢?其實不僅為了什麼踢走建制派,而是——你唔覺得好抵咩,唔駛錢,就有樣嘢,可以比你做決定。人生好多事情,例如讀書,例如搵錢,都只是為了令自己有更多選擇。公開試高分啲,可選擇的學科就多啲;GPA 高分啲,可以打的工又多啲;戶口多幾個零,買樓選擇再多啲;老了,錢多啲,細路讀書,老年睇醫生買藥的選擇,都多啲。

活著就是為了選擇,人生就是為了選擇。現在,選擇(選票)擺在你的眼前了,為何不要?

廣告

選民登記最後兩天,不要猶豫,去文底傳送門那條 link 登記就可以。好快好快。你去 PPS 找卡數都要時間啦。

如果你已經登記了,把這篇文章發給一位朋友吧 — 不需用什麼政治語言來游說,只需一句:你唔覺得好抵咩?

與其繼續圍爐取暖、鬧人港豬,不如切切實實多行一步,做件小事。一人一個,就好足夠。

【傳送門:鍵盤戰線製作的簡易選民登記機

發表意見