立場新聞 Stand News

今天的香港人只想感到被尊重

2017/3/25 — 10:47

曾俊華中環造勢集會

曾俊華中環造勢集會

早幾日,看著電視新聞,囝囝問我,喜歡John Tsang還是林鄭。我跟他說:「仔,其實今次選舉,仲有一個候選人,叫胡官㗎喎。」

「咁你鐘意邊個多啲呀daddy?」阿仔問。

「唔可以講話鐘意喎其實…」我答:「但呢一刻,我希望John Tsang能夠贏囉。」

廣告

「咁John Tsang係咪好人?」阿仔又問。

「仔,我唔知呀其實。唔係每樣嘢爸爸都知道的。」我說。

廣告

「咁另外兩個係咪壞人?」

「其實我都唔知道。可能係,又可能唔係。」我知道我的答案無法令一個七歲小朋友滿意:「仔,好人同壞人,好多時唔係咁易分得清的。響一個好的制度之下,一個壞人也可以做許多好事,但在一個唔好嘅制度之下,一個大好人也可以做出許多壞事來。」

囝囝當然聽唔明白:「咁即係點呀daddy?」

「咁即是,」我吞吐:「許多事情,唔係簡單區分好人同壞人就能夠得出答案囉。唔明唔緊要,但你記住爸爸今日教你嘅呢句話吧。當你大一啲嘅時候,你會慢慢明白的。」

「咁點解你想John Tsang贏呀?」囝囝還在問。

我想了想,還是有點答不出口。

我心裡的答案其實是:「因為他比較願意討好我們。」

而實際上,也只有他願意討好我們。

有人說香港人蠢。有人說他是糖衣毒藥。有人說香港人不配有民主。

但香港人的悲哀是,經過了瘋狂的五年,今天的香港人只想感到被尊重。儘管那些尊重也有可能是假的。

難分真與假,只願天佑香港。

 

原刊於作者 facebook

發表意見