立場新聞 Stand News

今日,我姨媽姑姐收到好多 WhatsApp 訊息,叫佢票投建制…

2016/9/3 — 22:00

唔知大家有無聽過,有些長輩成日講,「阿邊個邊個頭先 apps 我。」

Apps 係動詞?細問之下,佢哋講緊 WhatsApp。

上屆立法會選舉是 2012 年。那時候,WhatsApp 尚未完全普及,特別是年長一輩,很多都未有可以上網的智能電話。

廣告

過去四年,他們學識了上網,學識了玩 WhatsApp,也因此,同好多同代人 form 成了一個社交網絡。那些長輩圖,我們覺得好好笑,但唔好理,他們傳得興高采烈,信到十足。

我有一個親戚,今天在興趣班的 WhatsApp 群組,收到老師發出的訊息:「超區投周浩鼎,新東投容海恩」。如無意外,這只是滄海一粟。我們在 facebook 鬧容海恩反智的同時,在另一個平行世界裡,好多人單一地接收選舉資訊(甚至是指令)。

廣告

請唔好鬧佢哋港豬。WhatsApp 就是好多上一輩世界的全部。他們很相信裡面的資訊——特別是這些訊息通常來自他們現實中認識的人。例如街坊,例如親友,例如興趣班同學。佢哋唔信呢啲,信咩?

以前的世界,建制派要動員,真係要狂打電話,逐家逐戶拍門。而家?WhatsApp 上的建制拉票活動,即將以網狀擴散。

2016 年立法會選舉,很可能是這種長輩網絡的初次體現。

點破解?麻煩大家在現實中進入這些親戚的生活。WhatsApp 世界你玩唔過,但你可以請佢飲茶(最好係早茶),慢慢講你的選擇,同佢一齊投票。

一同戰勝 WhatsApp 網絡。
 

發表意見