立場新聞 Stand News

今早在茶記,一個師奶與林鄭的對話

2017/3/8 — 13:30

林鄭月娥,圖片來源:林鄭辦公室 facebook

林鄭月娥,圖片來源:林鄭辦公室 facebook

【文、圖:傘下爸媽 Dorothy】

場景:今早早餐時份、跑馬地市政大樓茶記,人人埋首食早餐

師奶:林太阻你食早餐,我可唔可以同你講兩句?

廣告

(兩個女人就企左係度,成個場望住哂)

師奶:林太,我諗我地大家都好好彩,出身在香港起飛既日子,享受到經濟發達既成杲,自己生活得好舒適,應該都算是個中產。但係咁唔代表我地淨係顧住自己就唔顧其他人、尤其是年輕人既!我個仔同你位公子都差不多大。

廣告

我同我一班朋友,都好不满意而家政府對所謂低下階層既照顧,但呢 d 民生野,有排講、有機會再詳細講,我想趁機會同你講,我地好強烈反對 23 條立法,我地唔要 831 框架覺得重啟政改好重要,因為冇好既制度,冇向市民負責任既政府就未必有公平公正公義既制度、措施,咁民生自然都唔會好。

林太:但我堅持一國兩制,果 d 港獨不能存在.....

師奶:你講的你已經講左好多次,港獨係叧一個題目。但我只想講,香港而家既問題係制度唔健康、問責官員唔問責、政府既工作選擇性繞過制度,市民既聲音不受重視,經濟發展畸型。

唔係人人都係覺得自己生活得 OK 就唔理社會既野!

林太:我服務左香港三十幾年,我就係希望改變到所以我參選。

師奶:多謝你過去的付出,其實過去你都有好重要角色,你應該有能力扭轉一 d 野,但至少我唔覺得你有做,可能我無知,所以唔覺,又或者你會話你不是掌握最大權力果個。

若果情況不改善,如果有能力的、有個錢的、年輕的都逃離香港,咁又係你想管治既香港咩?

我衷心希望你係真心為香港人做野,人到中年都已經擁有左咁多野,最重要係要守住自己既良心。

多謝你聽我講左咁耐,good luck 啦!

(師奶主動握手道別)

完。

最後,助手俾左呢本野俾師奶做紀念品。

(圖片由作者提供)

(圖片由作者提供)

(原文無題,現標題由編輯所擬)

發表意見