立場新聞 Stand News

以數碼暴龍看大陸反貪

2015/3/2 — 20:36

【9olitcs編按:大陸而家興反貪,有啲傻佬以為玉皇大帝觀音下凡,中國有救!而家仲話要拉香港貪曾,我笑而不語】

其實,反貪呢個Game都有唔同Lv。打小烏蠅最多係Lv1,新手入門都識打 (地方下級貪官);再高Lv D,要打既怪,就係國企和部門大佬。例如之前打,中信集團、華潤集團、中海油;以至鐵道部大老虎,直豁市深圳市市長。 不過呢堆,去到總理,書記黎打,其實都唔算好難;數碼暴龍黎講,最多係「完全體」。

咁點先算「究極體」?今次老習俾人覺得黎真,係因為佢搞前政治局常委周永康。中共嘅政治局個7個常委 (前屆9個),就好似7個皇帝一齊管理中國。老習咁搞太上皇,真係唔係咁易。 而且現任政協副主席令計劃,呢個之前胡書記既大內總管,佢都郁埋。

廣告

好啦,聽到呢度係咪對習大大好射射呢?但係咁,佢到依家上任3年仲未打「終極究極體」:紅二代。周永康同令計劃呢堆,都算係憑自己努力,由地方小官做到今時今日。 今次搞左咁多人,其實都未有一個係老共嘅第二代。您可能會弱弱一問,瓜瓜個老豆唔算咩?

實情係,瓜瓜老豆只係輸左權鬥,爭唔上政治局常委。成王敗寇,話佢貪只係換個罪名將佢免職啫。你睇判決話薄貪2千萬。2千萬都唔夠買瓜瓜個幾架跑車啦,係咪先!

廣告

 

原刊於作者 facebook page

發表意見