立場新聞 Stand News

任建峰寸爆范太:全國人大常毀係咩嚟? 「名譽資深大律師」肯定陳文敏學術成就「超然」

2015/10/1 — 13:03

香港大學校務委員會前日否決任命陳文敏作副校長,多名校委被指在會上質疑陳的學術資格,包括沒有博士學位,但資料顯示陳文敏是全港唯一一位「名譽資深大律師」,獲肯定他在法律界的學術和教育貢獻。但身為港大畢業生的全國人大常委范徐麗泰,質疑「名譽資深大律師係咩嚟㗎呢?大律師係學術嘅學歷咩?」

本為律師的法政匯思召集人任建峰,今早接受商台節目電話訪問,就揶揄范徐麗泰,「首先我想問下,全國人大『常委』係咩嚟?」節目主持無奈地大笑,任又接著追問,「係咪即係個人好大,經常去毀壞,就叫做『全國人大常毀』呀?」

廣告

陳文敏學術成就「超然」

他接著認真地指出,「名譽資深大律師」可能對香港人來說比較新穎,但其實在英國等地已有很多年,即指有些人在技術上有執業大律師的資格,而資深大律師則是已執業很多年,在執業上很有成就,但一些德高望重的學者,未必執業很多年,取得大律師資格後一直在學院做研究、教學,被認為其成就非凡,通常就會獲頒「名譽資深大律師」,在英國就叫「榮譽御用大律師」,「意思係話畀全世界知,呢個人喺法律研究上嘅學術成就,係最近最興用嗰個字:超然。」

廣告

對於范徐麗泰質疑「名譽資深大律師」不是學歷,但任建峰卻直指:「佢如果唔係因為學術成就,佢根本就唔頒『名譽資深大律師』畀佢」。

「Google Scholar係零重要性」

同為校委會成員的大律師兼立法會議員廖長江,被指在校委會會議上引述在「Google Scholar」搜尋結果,指陳文敏的文章在過去5年只被搜尋過4次。任建峰卻笑稱,「Google Scholar(於法律界)係零重要性。」因為Google Scholar可能反映到某些學術期刊的論文,但只是很少數,亦不能涵概在大學研討會寫下的文章,而且法律學者不只是寫期刊文章,尤其愈「上神臺位」的學者,如陳文敏,就愈偏向寫書,「冇人會睇Google Scholar而去定奪一個學者掂唔掂囉」。

任建峰對於校委被指提出的理由,感到很深痛,因為即使有政治理由而作某些決定,過去都會找些較「靚」的理由去掩飾,但今次很明顯是「連掩飾都廢事,好似求祈攞嘢嚟講就當係」,敷衍港大的長遠利益之餘,亦侮辱港人智慧。

2003年5月,陳文敏獲委任為名譽資深大律師,成香港唯一獲得到這頭銜的大律師。終審法院前首席法官李國能在委任典禮上致辭,解釋是首次作出該委任,認為陳文敏獲得這項殊榮是當之無愧;又表明陳文敏對法律作出的傑出貢獻,是「眾所週知」及得到「廣泛認同」,又認為他肩負作育英才的重任,為法律界培育未來的專業人才,「在法學教育界的地位舉足輕重」。

發表意見