立場新聞 Stand News

任我行

2015/7/21 — 14:22

【文:[email protected]進步會師;相片:Willy [email protected] Studio Incendo】

早前有某會計師樓合伙人話auditor生活多姿多彩,普遍網民(assume係會計師啦)comments 都係[email protected]¥!#*,尤其當你peak season 做到嘔,病都要照返工嘅時候,deadline 就係deadline,死人冧樓都係咁話啦。再者,香港近年變得越來越畸型,全面大陸化,政府官員建制派全都庸庸碌碌,鉛水事件處理上何等無能,什麼三權融合,警方濫權、無理拘捕,大家真係睇到眼火爆,係咪好想岀走?

投資移民又唔夠錢,如果你30歳以上,working holiday 又超齡,或者係有家庭負擔唔可以話quit就 quit,咁可以點?其實做big 4都有樣野好,誇張啲講,打開張世界地圖,除咗南極北極之外,基本上主要城市都有office可以去overseas secondment (返大陸出job果啲當然唔計)。唔同firm 有唔同做法,但總括嚟講,Big 4推動mobility方面都算積極, 筆者自己及身邊好多同事朋友都去過。

廣告

除咗special project 好急要人之外,平時你都可以自己開聲揾partner 做sponsor。如果你係做開global audit嘅,senior associate  /manager grade就最理想,因為人地比得你去,最好梗係想你可以即刻落場開工,唔通仲要花時間湊你教你咩。如果個客係你一路跟開,熟悉個客間公司嘅運作、架構、人脈同聯絡開lead audit team,咁肯比你去嘅機會又大啲,到時你返嚟又可以將喺當地學到嘅野貢獻番比香港。

地點如New York, London 係好多人首選或要人機會高啲,尤其是peak season,如果你係精通USGAAP, IFRS, SOX 之類,係非常好嘅賣點。去海外secondment, 一般係兩年起,如雙方公司同意,之後可以再延長。待遇一般唔錯,公司大多會提供租金津貼,唯外國稅率及其他social security costs 都比香港高,加埋?率影響,net salary 可能同香港差不多,去之前要問清楚。有啲公司仲會有附帶條件要注意,例如secondment 完成後返香港office 要做滿一段時間先可以離職,保障番公司利益。

廣告

仲有幾點大家事前要考慮清楚:

1)你可以獨立生活一段長時間,洗衫煮飯打掃自己做嗎?喺外國日日出街食係唔化算或自己頂唔順當地飲食文化;
2)要習慣孤單,大時大節自己生日都可能在工作中渡過,未必有人陪你;
3)個人因素:家人,伴侶意見等等,其實除了partner grade以外,帶家人唔會有額外津貼,要衡量一下金錢同時間上值唔值得;
4)自己適唔適合在當地生活?能適應當地文化嗎?冷門啲嘅日本都有得你去。係呀,日本呀!無諗過呢?呢排電視節目好多介紹日本,咩「東京攻略」、「四國滾動」,既然日本永遠都係hot topic ,就講下少少日本嘅真實生活比大家聽。

筆者當年有幸可以去日本工作一段時間,近距離體驗日本文化,目標係希望可以喺合約期間去晒47個都道府。初初當然抱著「日本甚麼都是美好的」嘅心態,日本風光如畫,旅行時接觸到的日本人都係彬彬有禮,對呢個國家非常有好感。頭半年簡直可以用「客似雲來」嚟形容我屋企,每個週末都有家人朋友排住隊嚟同我周圍去食買玩,平時又可以日日煲日劇,好開心㗎!

但去旅行同當地工作生活係兩回事。第一,唔識日文係好辛苦嘅,公司入面識流利英文嘅同事好少,好多時雞同鴨講,影響工作效率。衣食住行睇醫生全部需要用日文,對於只懂基本日語嘅我嚟講係好吃力嘅事。

男尊女卑,階級觀念- 外資公司唔太明顯,日資公司就感受到,睇啲client就知。成組人岀去食飯,斟酒嘅一定係女仔。有能力嘅女性昇職比男性慢都係普遍嘅事,又或者要照顧家庭,而自己唔想昇甚至辭職都見過。

日本人做事嚴慬係好,但佢地相對地唔識變通,好唔flexible, 提議佢地改變現有做法係一件好困難嘅事,尤其係啲「資深」嘅同事,意見唔接受,態度都係照舊。

講日本嘅所見所聞足以寫本書,有機會再同大家分享。世界之大,筆者係支持出外見識一下。你去完啲大office做野, 對你自己知識增長同前途肯定大有幫助。每個地方都有好同唔好,無論如何,呢啲經驗都會畢生受用。

進步會師 facebook

 

發表意見