立場新聞 Stand News

何君堯先生當然不是畜牲

2017/5/29 — 18:41

資料圖片:何君堯與梁振英

資料圖片:何君堯與梁振英

近日何君堯先生因之前審議《私營骨灰安置所條例草案》時引用《中山狼傳》的寓言故事,引述故事中的智者對東郭先生稱:「呢啲咁嘅畜牲(原文其實是禽獸),你點可以對佢有仁慈之心?」暗示同性戀為畜牲。

引起外間推測比起人類,其實他與畜牲更相近。

廣告

我是有充份理由相信何君堯先生不是一隻畜牲,仲要係離畜牲好遠嗰隻。

首先,畜牲一詞源自六道之一,指的是飛禽走獸、蜎蠕蟲蟻等多種動物,民間通用是指禽、獸。

廣告

何生從外表上如何看也是一隻穿了西裝的人類,雖然長毛曾反駁何生下三流:「用刀叉食人肉,都唔係文明;著西裝唔代表唔係衣冠禽獸嘅!」。

推測他是有父母的,所以應該是哺乳類其中一種,雖然也有機會不是人類,但絕對不會是畜牲。

連我讀得書少都可以簡單推測他不是畜牲,何生應該讀好多書,應該不是假學位,假博士之流,他是應該不會錯看同性戀者是畜牲來的,一定不會。但係佢而家又真係引用咗畜牲比喻同性戀者,咁就只得兩個可能性:一,佢智商不足分別人類和畜牲之別。二,佢故意要詆毀性小眾者。

旺角警民衝突後,何生於「城市論壇」支持警員開槍殺「暴徒」的香港人。

畜牲絕對都講唔出口。

「鄧小姐可以話行為藝術,企喺台上面脫晒件衫去表達都得㗎,點解你唔咁做呢?」,又自稱「社會工作者」,揚言要向「廢偽社工」宣戰,幾日後就「我都係有情緒嘅人,如果有令人不安,對唔住」。

面皮之厚,畜牲絕對做唔出。

在立法會選舉的競選廣告中,何生自稱自己為一名謙遜和開明的基督徒,卻被學生於論壇中踢爆連十誡都唔識:「十誡嘅嘢我好難答哂你」,突然自認「我都唔係咁虔誠嘅基督徒」。

我唔相信我屋企隻畜牲做得出。

其實都化咗灰啦,佢地都係想可以光明正大攞番所愛既骨灰,係咪咁你都要公開比喻佢地做畜牲?

學問高的何生喜歡胡亂引典,學問低的我喜歡胡亂引笑話:

一對男女朋友訓同一張床,女仔畫咗條線:「你如果過線就正一畜牲。」訓醒發現男仔真係無過線,女仔打咗男仔一大巴:「你連畜牲都不如。」

發表意見