立場新聞 Stand News

何君堯舌戰嶺大生 叫學生「返去讀多啲書先啦」

2015/11/11 — 17:31

特首梁振英委任前律師會會長何君堯進入嶺大校董會,引起該校師生不滿。何君堯昨日應學生會之邀出席質詢大會,與台下學生舌戰,最後更怒而拍枱離場。何君堯要求質疑他的學生「返去讀多啲書」,又不滿學生講粗口,但對學生問及是否贊成提升校董會的師生比例、會否捍衞院校自主及學術自由等,均未正面回應。

在質詢大會上,有學生重提他早前誤稱自己為「社會工作者」、要求解散學生會等言論,質疑他是否適合任校董,何君堯則質疑學生自稱納稅人,但沒有納稅。「你話你自己係納稅人,所以你有權,請問你今年納咗幾多稅?……你係咪納稅人呀?你係咪講自己係納稅人先?你話將來下話?咁你點知我將來唔會正式成為社會工作者?……我覺得你哋應該係博雅,唔係鑽牛角尖。」

被問到他所謂的「社會工作者」是何意思,批評他「講錯嘢都唔敢認」,何君堯回應:「你返去讀多啲書先啦?」

廣告

何君堯又不滿現場學生講粗口:「係我嘅理念裏面,博雅肯定唔會講呢啲咁嘅粗口…可能同學仔有時打情罵俏,或者輕輕鬆鬆講吓…(擲咪站起)」

一旁的學生會會長劉振琳即反問何君堯,會否用粗口跟老婆打情罵俏,何君堯即指劉振琳冒犯他的家人。「我嘅博雅定義,肯定唔會有人身攻擊,或者攻擊佢屋企人。OK?Finish!(轉身離去,後停步)你返去檢討吓自己。」

廣告

何君堯離場時接受傳媒訪問,指下次仍會出席類似活動,「但我希望有所改善,要越學越好,唔係越走越歪路。」

相關報道:
蘋果日報
明報

發表意見