立場新聞 Stand News

何柱國:商界對曾俊華好滿意 但識踩單車同識揸跑車不同

2017/2/18 — 12:03

何柱國 (TVB新聞截圖)

何柱國 (TVB新聞截圖)

51名政協界別選委早前決定全數提名特首參選人林鄭月娥,其中政協常委何柱國出席無綫《講清講楚》節目時,承認曾俊華更符合商界的期望,但認為「識踩單車,同揸架跑車唔同」,指出任特首需要更全面性。

特首參選人曾俊華過去被批評理財保守,不肯花錢,而林鄭月娥早前公布部分政綱,已承諾教育開支要增加50億元。

何柱國承認,曾俊華更符合商界的期望,「係,商界對他係好滿意,但係我講過,一個人識踩單車,同揸架跑車唔同,你個全面性唔同。你叫我今日做財政司,我一定叻過曾俊華,一定叻過唐英年,但你叫我做特首,咁多範疇嘅嘢,我無本事,又要房屋、又要民生、又要養老,乜乜嘢。」

廣告

對於曾俊華表示任內重啟政改及為《基本法》23條立法,何柱國質疑:「講嘛,政客好多係講嘛,你睇每個人的政綱,你睇美國人的政綱,嚇到你,幾十頁你睇都睇唔哂。好像23條,是否啱時候推,係特首責任,如果唔係時候推出,你橫掂出嚟輸嘅,你做來做乜嘢?你今天寫張空頭支票出嚟,做不到你講出來做咩先,佢諗清楚,不是寫出來,聽日發現錯了,哦,我聽天又改過一份。」

廣告

發表意見