立場新聞 Stand News

何韻詩:多謝Shell非為擁護企業 是表達「廢鐵」們的團結

2016/1/13 — 14:09

何韻詩日前出席「毛記電視第一屆十大勁曲金曲分獎典禮」,圖片來源:網絡片段截圖

何韻詩日前出席「毛記電視第一屆十大勁曲金曲分獎典禮」,圖片來源:網絡片段截圖

《100毛》日前舉行「毛記電視第一屆十大勁曲金曲分獎典禮」,主辦方及表演嘉賓多次向贊助商Shell道謝。不過Shell計劃於北極鑽油、過去曾在一些國家破壞環境等往績,令部份環保團體感到不滿。有份出席分獎典禮的歌手何韻詩今日在Facebook上解釋,「多謝Shell」的說法不是要擁護有關企業,只是希望表達「一種廢鐵們的團結」。

何韻詩日前出席分獎典禮時曾在台上「多謝Shell」,又呼籲Shell贊助其10月於紅館舉行的演唱會。何韻詩今日在Facebook發文解釋,自己近年都欠缺大客戶支持,「通常傾兩傾問兩問,結果又係無咗下文,客戶因各種原因都係唔搵你」。她形容自己對此習以為常,但細想之下情況其實很悲哀。

對於「多謝Shell」言論引起爭議,何韻詩解釋:「老實講根本唔係要endorse(擁護)呢個企業,反而係表達緊一種廢鐵*們的團結;係想大大聲話俾其他客戶聽,喂,無事㗎,支持廢鐵嘅大有人在,撐佢地真係無事㗎,唔會令你有損失,反而可能令你多咗另一個市場添。」

廣告

何韻詩又謂日前「多謝Shell」的言論只是順應氣氛「搞吓gag」。至於將來紅館演唱會贊助情況,她表明即使沒有贊助仍可以進行,「以做一場紅館要開支幾百萬嘅budget嚟計,咪辛苦d,賺蝕要自己承擔,同埋好多想做嘅效果可能要放棄囉」。

環保團體轟Shell計劃北極鑽油

廣告

分獎典禮不斷「多謝Shell」引發環保團體爭議。環保團體綠色和平日前已於Facebook回應,雖然Shell於上年9月,宣布停止北極勘探計劃,其後美國奧巴馬政府否決Shell延長鑽油牌照的申請,但Shell提出上訴,為保留長遠的北極鑽油計劃鋪路。綠色和平認為,事件「足證石油公司野心未滅,北極熊等無數珍貴動物仍飽受威脅。」

另一環保團體環保觸覺亦在Facebook上提醒大家,不要忘記追討Shell在各地破壞環境的行為,特別是其在北極開採石油的計劃。國際特赦組織香港分會亦在Facebook提醒,Shell發生過不少漏油事故,嚴重破壞環境,問到「你真的想多謝這家跨國企業嗎?」

呢個年頭,作為我地呢挺廢鐵,其實都已經預咗俾各大客戶避而吉之。拿,以我為例子,其實呢年內又唔係無人問津㗎,但係通常傾兩傾問兩問,結果又係無咗下文,客戶因各種原因都係唔搵你,放棄。就呢個月,又係因為講咗d唔知咩,結果有個傾緊嘅廣告都係拜拜...

Posted by HOCC on Tuesday, January 12, 2016

*編按:何韻詩於「毛記電視第一屆十大勁曲金曲分獎典禮」中,奪得「一台聯頒傳媒大獎」後,唱出改詞歌曲〈廢鐵是怎樣煉成的〉內容自比廢青、廢鐵,強調自己不肯出賣良心。歌詞有「賤賣我那顆心 就唔OK」一句。致辭時,她指「無論幾廢,我相信我哋只要繼續做我哋相信嘅事,廢青都可以變一個最好嘅package。」

發表意見