立場新聞 Stand News

你係推有信念的人去死,推警察去死,推成個香港去死

2019/7/15 — 9:11

林鄭月娥

林鄭月娥

每星期一兩次警民衝突、唱完K食完飯的途人被警察打、藍絲黃絲混戰、阿伯絕食 200 小時。警察或示威者是但一邊係衝突中搞出人命。始作俑者取消所有公開活動只係去圖書館開幕禮,躲在背後睇你班人互鬥。政策就固然唔駛旨意推到。

可能你想辭職但你老細唔俾你辭,於是無晒政治能量無晒意志的你就 hea 做到 last day。於是五大訴求不切實際,獨立調查警察係天荒夜談,一堆你為咗打擊異己同分餅仔搵返來的 yes men and yes women 佔據行政會議各個諮詢架構呃鳩你咁多年搞到你每一步都行錯又唔炒。你有無同我地一齊睇緊立場/蘋果/港台/now/cable live?係咪覺得大家打多陣每次傷十幾件隨時又多幾個人跳樓無咩所謂?將你留低的政治問題推畀警察等佢地做醜人係天才策略?

出去正正常常遊行要帶口罩,搭車買單程飛唔用八達通,著黑衫出街會被搜身 check 身份證,搭地鐵要 check 邊個站落車唔會俾人拉,被人打唔敢報警唔敢投訴因為會被人告返轉頭,見到記者鏡頭即刻避開驚被點相,受傷唔敢求醫因為會去醫院拉人。一個社會無信任點樣運作落去?你乜撚嘢都唔做,叫我畀個機會你?咁邊個畀返個香港我?

廣告

你而家係推有信念的人去死、推警察去死、推成個香港去死。

廣告

發表意見