立場新聞 Stand News

你班加害者可唔可以唔好再扮受害者

2017/3/13 — 11:52

3月12日,林鄭月娥出席教協主辦的特首候選人論壇

3月12日,林鄭月娥出席教協主辦的特首候選人論壇

今日(編按:3月12日)睇教協個特首選舉論壇直播,睇到尾聲林鄭爆咗句「我都係白色恐怖受害者」,我忍唔住𨳒咗出嚟。

白色恐怖是什麼就自己Google啦,簡單講就係指當權者用其暴力手段(對身體或對心靈),對和自己政見相反的異己進行政治迫害。李光耀在這方面做得最出色,共產黨努力追趕中。

廣告

而你身為一個政權中的重要持份者,你有什麼資格說自己受白色恐怖迫害?

從來只有當權者才能對人民或團體行使的白色恐怖,你憑什麼說自己受白色恐怖迫害?

廣告

你知道受白色恐怖迫害的人民有多悲慘嗎?遠的地方不用看,看看台灣,二二八事件等等,你就會知道你的引例和自比是被迫害的猶太人的撐七警那幫公安的智慧差不多。

之前的特首選舉論壇,就鉛水事件,令全港市民(主要媽媽們)憂心非常,你話幫公務員「出咗一口氣」,你地政府係受害者。

七警案,件事有幾錯我諗係人都知,事後三萬幾人集會一齊講粗口,有幾多荒謬後續亦不必多說,而你就話「時常都會諗番,佔中令警務人員受咗咁大壓力」,OK,你地又係受害者。

數遠啲,2012年,市民反對國民教育推行,林鄭接受有線電視訪問時落淚,你話因為市民不信任政府。SURE,係市民錯,你係受害者。

無事無幹就好大嘅官威,官到無求膽自大,公開指廉署阻礙施政,要起故宮文化「展覽館」就起,不需進行諮詢⋯⋯有事就扮個受害者,你真係當我地啲市民白痴?

BTW,今之真係要俾番個Credit曾俊華,林鄭講完佢即刻回應留阿Carrie「其實最近發生好多事情,大家都知道是什麼事情,嗰啲才是白色恐怖」。

發表意見