立場新聞 Stand News

你班大人唔L係呀?

2018/1/27 — 9:41

2018年1月26日,浸會大學數百學生集會遊行,聲援因涉及「佔領語文中心」而被停課的兩名同學。

2018年1月26日,浸會大學數百學生集會遊行,聲援因涉及「佔領語文中心」而被停課的兩名同學。

老實講,筆者之前只是看傳媒文字描述事件,昨晚才第一次看片段,看完之後發現,情況比我想像中嚴重。

見到五毛如此落力口誅筆伐,我還以為這場浸大佔領,沒有佔中規模都起碼有罷課規模吧?原來,幾丁友企在走廊,後面其他職員繼續工作和自出自入,就叫佔領?佔左邊忽呀?

我還以為,講到職員生命受威脅,沒有像歐美學生暴動搞到打砸搶燒,都起碼好像社團曬馬咁款啦,結果就是幾個人繞住雙手圍住個職員響度講數,仲要保持安全距離果隻?大佬,李漢奸 (注:唔係柱銘) 同紀文雞果種場面都冇人真係覺得佢地生命受威脅啦下話?

廣告

講到咁嚴重的爆粗,我仲以為係班人圍D個職員或令壽堂,或者起碼好似我以前中學同學鬧交咁句句有隻粗口啦,結果就係一個「唔L係」?8個鐘頭內出現一次「唔L係」就係香港道德淪亡?你班大人唔L係呀?未見過大蛇屙尿呀?公司八婆鬧交、茶記阿伯或者巴士阿叔都惡過依班學生啦下話?仲話文革,真係笑死人,六七暴動都仲爭九十九條街啦。

又話香港的大學危險,唔好讀香港的大學,睇下人地美國學生示威係點先啦,唔好讀美國大學丫。成日話依家後生人脆弱同受保護,你班大人就真係脆弱同受保護囉。

(以下片段/圖片發生在去年,全球排名頭幾名的加州大學柏克萊分校的左膠學生抗議極右作家來校演講)

廣告

作者博客

發表意見