立場新聞 Stand News

你身邊總有些生活在第二個世界的人

2015/8/18 — 12:54

就算會計師樓入面,審計部門同稅務部門亦係兩個世界。 (圖片來源:電影《Another Earth》截圖)

就算會計師樓入面,審計部門同稅務部門亦係兩個世界。 (圖片來源:電影《Another Earth》截圖)

【文:琪琪】

人的視野好窄,會計師有我地的會計世界而外人不明白。因為佢地唔係生活在會計人的世界。

有無試過一檯人出街食飯,埋單計每人俾幾錢果陣,總會有人講:

廣告

「呀邊個做會計師,佢計啦」再搭一句「會計師唔好計錯數呀,hihi」

大佬,呢個世界有計數機,which is actually裝左係你每個人部手機入面架。

廣告

就算會計師樓入面,審計部門同稅務部門亦係兩個世界。以下為真人真事:

G:審計部Gigi

J:稅務部Janice

J:Hi,我想問下今年個二千蚊個租約印花稅呢係屬於租新辦公室定舊辦公室續租(註1)?

G:下,條數咁少,我地唔理架!你自己問個客啦!

(掛電話後)

J:D auditor都唔知點做野嘅,幫人audit新舊租約都唔知,年年就收人一大舊錢...(下刪數千字)

G:做稅果班係咪Short架,幾千蚊咁細數都問,俾你知道有獎拎咩,年年就分我地一份錢做tax provision(註2),收完錢又要我招呼佢...(下刪數千字)

 

註:

租新辦公室印花稅一般而言屬不能抵扣(not tax deductible)。Tax provision即大約計算企業當年的應課稅款,數額會列於財務報表中,係審計其中一個項目。

講左咁耐,琪琪想表達的是,你身處不同位置,就對同一件事有唔同睇法。有人覺得會計師最叻係數目字,但係其實我地更加對法律(例如稅務條例) / 規則(例如會計準則)熟到要識背。

正如有人會當空姐只不過是空中的 waitress ,對空服員毫不尊重甚至呼呼喝喝。

空姐會話你知,任何在客艙發生的事項都要空姐空少們負責處理:乘客有病要識急救,機艙冒煙要識救火,飛機出事要識應變。

暗角打鑊事件,黃絲朋友(包括琪琪)話D員警係暴徒爛仔。藍絲/員警會話你班人搞亂香港,抵打。

琪琪聽過有好多朋友因為不同政見、不同睇法、不同生活習慣而嘗試說服、指責對方,最後嘈到同朋友絕交,同家人反面,同老婆離婚。

我們生長環境不同,為何一定要人地接受自己個套呢?

網上見到一個故事,容許我轉載一下:

 

「獅子看見一條瘋狗,趕緊躲開了!

小獅子說:爸爸,你敢和老虎拼鬥,與獵豹爭雄!

卻躲避一條瘋狗,多丟人呀!

獅子問:孩子,打敗一條瘋狗光榮嗎?

小獅子搖搖頭。

讓瘋狗咬一口倒楣嗎?

小獅子點點頭。

既然如此,我們為何要去招惹一條瘋狗呢?

不是什麼人都配做你的對手。

不要與那些沒素質的人爭辯。

微微一笑遠離他,不要讓他咬到你。

這點你必須要明白。

因為許多人正在和瘋狗鬥。」

 

如果覺得香港係要一個自由城市,

香港人,要學懂尊重相反意見,唔駛下下要說服人嘅。

至於對於果D認為年輕人無紀律,佔中班人係搞事者,咩都怪係土地無題的人,大家可以考慮下「微微一笑遠離他,不要讓他咬到你」。

客人來電

「琪琪,你間野收人報稅一萬蚊咁貴架,人地出面賣廣告幾百蚊喎。」

「呀客人,是咁的,你間公司賺緊百幾萬,又要我地幫你做tax planning慳左成幾萬稅,我地公司收唔到咁平,你再考慮下啦。」

「車,你唔做,出面大把會計師樓接呀。」

唔識專重人的客,你做埋我果份。

最後送大家一句,出自2012年中國人民大學出版社出版的圖書(如有錯敬請指正)

「你永遠都無法叫醒一個裝睡的人」

 

作者簡介:曾在四大會計師樓稅務部門打滾的小薯仔, 見盡會計師為搵食做到隻狗的生活和難以為不公義發聲的無奈。

進步會師

發表意見