立場新聞 Stand News

佢憑乜投訴?是否要推佢入閘?

2017/1/17 — 20:42

葉劉淑儀在傳媒面前「眼濕濕」,強調自己絕對是一個有擔當的人,期間一度哽咽。(tvb新聞截圖)

葉劉淑儀在傳媒面前「眼濕濕」,強調自己絕對是一個有擔當的人,期間一度哽咽。(tvb新聞截圖)

有乜好投訴?這個體制及安排都是她自己有份支持的。背後意圖操盤的也是她的長期效忠對象,佢幾時效忠過香港人?

當年佢搞23條立法,嗰副咀臉,嗰種態度,大家仲記唔記得?佢當時有重視過尊重香港人的想法、憂慮及憤怒咩?今日竟夠膽話「已經問咗責」。所謂「問責」,其實都只係為董建華擋,而且當時佢根本亦都好難做落去。

廣告

政改方案投票那天因為等埋發叔而穿崩之後,是誰有份入中聯辦請罪?邊個接受訪問時一邊抹眼淚一邊話自己及建制派「其實都係好乖」?如果係咁,妳仲有乜資格投訴?點解唔乖埋呢次?乖乖接受組織嘅安排?更加應該乖乖學識欣賞吓「大阿哥」嘅心意。「Good boy Good Girl」這個心理學上所謂道德發展八階段的第三級,佢從來未曾超越過。最罪大惡極就係想連香港人都拖低到同佢哋呢類人同一個Level。

最無資格投訴暴政獨裁及反民主嘅,就係太監奴才走狗鷹犬跑腿嘍囉。

廣告

孽瘤那一份參選政綱,其實完全唔係為香港人寫的,處處只係意圖討好阿爺、遷就共產黨嘅想法,話「23條要立法」,「如果重啓政改就一定要依831决定」。俾佢入到閘又如何?佢攞到嘅每一票都係出賣香港人而取得嘅。

要揾人入閘搞局?非建制派依家冇得揀咩?有三百幾票,好好協調,就算搞得成公民提名用去一百五十票,只要胡官同薯片叔叔各自取得幾十票提名,非建制派幫佢哋砌夠數,推埋佢哋兩個入去都唔係冇可能。

我就睇唔到點解有理由要將啲提名票浪費係葉劉身上。

 

(原刊於作者 facebook

發表意見