立場新聞 Stand News

侯志強:不再做轎夫奴僕 不夠票也無憾

2016/9/4 — 18:13

侯志強

侯志強

侯志強下午於大圍街站接受傳媒訪問,被問到他即使未能當選,但會取走了建制派的票,侯指,「唔可以咁講,因為今日新界人能夠無懼風雨,排除萬難咁行出嚟,我覺得我哋已經成功,無論贏與否,都係新界人開創未來的一日」。

他表示,「就算今日不幸,唔夠票,我侯志強,無憾,點解?因為新界人,終於能夠,行出嚟喇,為自己前路而打拼,為美好明天而創造,唔需要再做人哋的轎夫,甚至奴僕,你話,係咪光明嘅一日呀?」

被問到有否組織村民載他們投票,「當然有些啲人自發性,車埋啲老豆老母去投票,呢啲在所難免,因為地處鄉郊,距離票站路途比較遠,有呢個情況的」。

廣告

對於若落選,是否代表鄉事派不能團結港人,他指香港無政黨能團結香港這麼多的選民,「一黨專政,你鍾意咩?」 他認為應多些聲音,多些如侯志強的人,講真話,辦實事,為市民打拼。

被問到若落選會否影響他上水鄉事委員會主席一位和聲望,侯指,他的聲望不是由議會而來,而是來自基層和支持者,若他能入議會,是「地區之福,新界之福」,即使落選,他亦會為市民發聲。

廣告

侯志強

侯志強

侯志強

侯志強

發表意見