立場新聞 Stand News

保險小薯:「罷食罷買」方為上策!

2019/10/9 — 21:37

10 月 3 日,一間星巴克咖啡店遭示威者破壞。

10 月 3 日,一間星巴克咖啡店遭示威者破壞。

【文:一名保險界小薯】

我係一名保險界嘅小薯,本身就係做理賠,即係幫啲公司 claim 保險。近日見到有好多舖頭被裝修同有關緊急法令保險失效嘅消息,想俾多啲資料大家: 

裝修會唔會令藍店有損失?

廣告

明白裝修確實好能夠出氣,但實際上對大集團影響甚微;手足徹底裝修完一間舖,大集團損失嘅只係一個比例極細嘅墊底費(幾皮嘢左右),但係換嚟係全新嘅裝修(保單保障為回復全新狀 new for old)。 

裝修到佢要停業呢?

廣告

你以為可以令間舖停業,集團會損失舖租同營業額?少年,你太年輕了!大集團全險一般有加購「營業中斷保險 Business interruption」。換言之,停業損失嘅營業額係有得賠嘅!仲要係同上年同期一樣!簡單啲講,係零成本坐喺度收錢!甚至對沖咗手足努力罷食罷買嘅成果!但係手足付出嘅,係巨大嘅受傷同被捕嘅風險!我地見到你地咁努力但係損失嘅唔係嗰啲黑集團,我地好心痛,好唔抵呀! 

緊急法下保險失效?

呢個說法源於一般財產全險(Property All Risk PAR)下,一個基本會有嘅不保事項(General Exclusions):「Riots and civil commotion (RCC)」。即係如果損失源自(cause)係同 RCC 有關的話,保單就唔會賠償損失。呢個係一般商戶/住家居買保險幾乎必定有嘅。但係大集團嚟講,佢地份保險單係度身訂造嘅。有好多大集團都會加購一啲附加條款。各大集團(例如:銀行、牛奶公司、富臨、優品 360、黨鐵同近期裝修大戶美心集團)嘅保單,其實都有加購對 RCC 嘅保障。所以即使係政府出咗緊急法再幫佢地裝修,其實都唔會影響保險賠償。

咁黑裝修有冇用?

總結而言,黑裝修對大集團商舖嘅損失幾乎微乎其微,甚至乎益咗佢!我知道係同直覺好有衝突,但事實就係咁。

咁點先有用?

推介:「罷食罷買」方為上策!香港做生意最大成本係咩?係舖租同人工。有咩慘得過白俾燈油火蠟舖租人工,但係拍烏蠅呢?仲要我地係零成本啊!留返啲氣力去對付班黑警啦! 

光復香港!時代革命!
順祝 武運昌隆!

發表意見