立場新聞 Stand News

修訂逃犯條例 展現極權的快感

2019/4/28 — 14:03

修訂逃犯條例真係好神奇。呢個政策,幾乎只有中共最忠實嘅奴才如民建聯才會支持,商界在明在暗也肯定反對,喺香港有千絲萬縷嘅政商利益關係嘅西方國家如英美等也多次開聲反對,即係話,如果呢件事成功咗,香港關係法今次極有可能玩完,撤資會增多,移民會增多,所以商界擔心嘅唔單止係自己因為喺大陸嫖妓而無端端被引渡,更應該擔心嘅係之後冇生意好做,做唔到外國人嘅買辦。

而香港向來係一個講生意並強調只講生意嘅地方,點解要做啲嘢搞到生意都冇得做?咁明顯嘅滅「港」政策,點解要一意孤行呢?對中共有咩好處呢?就連中共和大陸人心裏都知道,佢哋喺香港也有千絲萬縷嘅利益關係。喺理性上,係解唔通點解要咁做,但這不違邏輯,因為這符合極權的邏輯,極權讓人有快感,極權就是我明知天下人都反對但我仍可一意孤行的快感,極權就是哪管明天洪水滔天但人人都只能鵪鶉臣服嘅快感,極權就是我明知自己比天下人弱智但我仍然可以決定你生死的快感。只能說,中共政權今天又走上一個文革之後最極權嘅時代,喺呢個時代,再無港英暗中迴護,也無中共暗中嘅理性計算,靠「小寶神功」混了這麼多年的香港人,也只有待宰的份兒。

今天的遊行人數,相信也不可能超過十萬。雨傘後,民主派的政治能量消散並碎片化,兵臨城下各派也只圍着九子入獄和林榮基流亡而互相傾軋,這次最受影響的商界從來非常恐懼中共權威也不會習慣抛頭露面,再加上藍屍傳媒不斷散播假消息和愚民訊息,很難想像參與動員的人數有如雨傘前了。但人數去到一個位,其實已有非常清晰的象徵意義。

廣告

不過也沒所謂了,如果逃犯條例修訂了,以後還有多少人不怕引渡走出來嗎?

 

廣告

(標題為編輯所擬)

作者 Facebook

發表意見