立場新聞 Stand News

倡高鐵西九總站設櫃位予內地人員執法 梁美芬:反對者太守舊

2015/5/19 — 15:14

廣深港高鐵香港段的「一地兩檢」問題至今仍未解決,讓內地執法人員在香港境內執行內地法律的做法亦惹來極大爭議,但立法會交通事務委員會主席田北辰昨日指,如果實行不了,高鐵將變成「高速低能」。同為立法會議員的經民聯梁美芬今日就建議,西九總站內設櫃位予內地人員,在櫃位範圍內執行內地法律,並指「呢個就直接啲」。

梁美芬今早主動致電港台節目《千禧年代》,提出有關建議,並稱相關做法可免卻引用《基本法》第18和第20條,由中央授權香港入境處人員代替內地執法人員,在香港實施內地法例。

她認為,可引用《基本法》第95條處理一地兩檢問題,而毋須引用《基本法》附件三。《基本法》第95條訂明,香港特別行政區可與全國其他地區的司法機關通過協商依法進行司法方面的聯繫和相互提供協助。梁美芬表示,可引用相關條文解決一地兩檢問題:

廣告

「其實畀個counter佢,個counter嗰個位置就係內地人員執行內地法律。咁你睇下係咪畀佢查出有犯罪啦下,如果冇,咁根本就係過關。」

被問到立法會很多議員已表達過反對,梁美芬認為他們太過守舊:

廣告

「就係太過守舊,佢應該喺國際上,參考下人哋法國同英國,一個大陸法,一個普通法,兩個唔同司法管轄區;我哋一國兩制係兩個唔同司法管轄區,絕對司法協同,好多司法原則根本嗰時講都適用架,包括人哋話,如果一邊有死刑一邊冇死刑,你檻過咗嗰度先打你,你就好彩喇,唔使有死刑。呢啲好多啦,點解啲人要入領事館呀?你一行出一步領事館,就係人哋嘅法律...」

發表意見