立場新聞 Stand News

傳張德江稱中央只支持林鄭 郭榮鏗:做決定容易咗 田北辰:831話中央會支持兩三個候選人

2017/2/7 — 11:51

多家傳媒引述消息指,中共中央政治局常委張德江近日南下深圳會晤香港多個商界、建制政黨代表,明言林鄭月娥是中央唯一支持的特首參選人。特首梁振英今早出席行政會議前時,對張德江南下回應指不知道。

另外,「專業議政」召集人、公民黨立法會議員郭榮鏗今早於港台節目表示,現時提名期未開始就要決定選舉結果,認為「呢一種咁樣的做法(張德江言論)係會令到香港人都反感」。

被問到張德江的言論是否代表「大局已定」,郭表示不知道,因以往也有人代中央講說話,又指中央已指定某一候選人,最後都有轉變,幾個月前也有人代中央跟他說特首梁振英一定會連任。郭指,作為泛民派選委,中期目標是要締造有競爭選舉,盡量反操控。

廣告

郭認為有關張德江的消息不會有何影響,他又指「佢而家做到咁出面,我相信會對於我哋做決定可能會容易咗」。他稱,若特首參選人曾俊華和胡國興不夠提名票,民主派的提名票如何有策略地用,就要好好思考,他們周六會開會討論。

而新民黨立法會議員田北辰表示,人大「8.31」框架代表中央是會表態支持兩至三個候選人,予人選擇,「話林鄭係唯一中央可以接受或者支持的人呢,就變咗好似無咗呢個框架喎,咁我好困惑,點會係咁呢」。而對於中央要求選委支持個別候選人的說法,建測、測量、都市規劃及園境界選委吳永輝認為是對選委施加「不當的壓力」,選委應考慮參選人的政綱等而提名。

廣告

發表意見