立場新聞 Stand News

傳緊急法股票升二百幾點,你話邊個攬炒

2019/10/4 — 11:36

【文:文風】

傳緊急法將公布,連登一片歌舞升平。當然唔係因為真心鍾意緊急法,而係認為「緊急法=攬炒」。但係睇番今日股市,消息一出升成二百幾點。上次林鄭公布正式撤回方案,市場升;今次加辣大力打壓,市場又升。得出的可能結論是:

外資只係關心件事會不會停,唔理邊個贏。

廣告

無錯用左緊急法唔只蒙面法可以一秒過,還可以任意拘捕、沒收財產,但今天的外資顯言認為政府唔會做到禁絕,主要只係針對示威者。而示威者生係死,香港有沒有政治自由,it is none of their business。

最危險的,就是林鄭以為可以搵到個平衡點:一邊政治打壓、一邊 business as usual。這樣係你炒,佢唔炒。

廣告

最近發生的事,包括地鐵多站暫停、商場關閉、遊客減少等,對香港係有影響,但遠遠傷唔入肉。零售業無錯是傷得慘 D,但金融業基本上唔影響,之前停左的IPO都返番黎。投行朋友話,香港情況除了影響佢地禮拜六落老蘭之外,根本無影響。生意係少左,但係係關中美貿易戰事,同香港無關。地產方面,供應長期不足,樓價跌極有限。

林鄭的 best case,係通過蒙面法嚇退和理非遊行,然後大力打擊勇武,同時仲可以保持外資信心(至少短期內沒有大影響,夠時間俾大陸回血)。

更大鍋的,是有人會開始覺得政治自由「無用」。自由的價值,分為 instrumental value 和 intrinsic value 兩個,前者是指自由對其他方面用(例如經濟發展、減少貧富差距等),後者指自由本身就是值得追求的東西。如果社會回復「歌舞昇平」,會不會有人開始懷疑「政治不自由」和「經濟繁榮」是可以並存的。什麼「香港繁榮是因為我們自由民主開放同大陸唔同 xxx」的論點被 discredit。

緊急文宣,是要對外將緊急法的潛在恐怖講出來,要外資知道自己也唔會倖免,要走趁早。用恐慌造成股票市場的人踩人。同時極力遊說美國取消香港獨立關稅地位。

都係個句,有什麼比攬炒更可怕,就係你炒佢唔炒。

作者 Facebook

發表意見