立場新聞 Stand News

億萬尋血路

2019/9/26 — 11:30

這一陣子,大家都熱鬧討論前幾日「百萬尋一路」的招募絶橋救香港活動。以神秘人形式落報紙頭版廣告,一旦獲選為「最佳方案」者可獲 100 萬元獎金,而獲選為「優異方案」則可獲 5 萬元,名額共 5 個。就咁聽落都幾吸引,但卻沒有說明要求、身份、立場、預算、時間表等。當然,一切皆可假設和自訂啦,但範圍之大,內容之廣,的確有點兒天馬行空和不設實際。加上現在香港的情況,重點唔係無方案,而係有橋無人理、有話無人聽,所以最困難的根本無法應用與執行。

你睇林鄭,舉行的首場社區對話大會,名額只得 150 人,但就有超過二萬人登記,有人話似做 show 多過真對話。年青人並唔係要咁樣溝通,其實佢哋天天講、夜夜叫,有人聽過嗎?就算而家喺伊館畀你正正經經由頭到尾講一次(每人只得最多三分鐘),又有無人會理會和回應?最終咪又係石沉大海,不了了之⋯⋯

剛剛見到新世界公布業績,鄭志剛話撥三百萬地建設社會房屋,其中一項計劃是與社企「要有光」合作建設「光村」。這種由光房進化至光屋,再昇華至光村的房屋實驗,的而且確比政府所做的更加實際和落地。而且計劃強調關注有小朋友的低收入家庭,特別是如何幫助解決切身需要的這個心思,正正亦是政府房屋政策之中嚴重缺乏的。

廣告

要真正幫助年青人及社會基層,並唔係好似政府咁是但畀間劏房公屋佢哋住就問題解決。今時今日,喺香港生活,絕非單純住得飽、穿得暖就足夠。基層市民除咗要有瓦遮頭,新生代仲要講求創科及教育配套,除咗要職業配對幫助就業,更要幫助他們由低技術階層「升呢」。

呢條橋簡直就係「億萬尋血路」,房屋問題不會一朝解決,但運用創意、新思維,才是為新生代建設未來的皇道。在亂世要殺出條血路,不動腦筋、墨守成規、不聞不做,咁就注定死路一條。

廣告

 

 

發表意見