立場新聞 Stand News

【元朗懷疑警黑勾結事件】中年漢:畀我哋趕佢走 八鄉指揮官李漢民:心領嘅,唔使擔心

2019/7/22 — 22:47

圖片素材來源:網絡片段截圖

圖片素材來源:網絡片段截圖

元朗昨晚有白衣惡煞手持武器,在西鐵站襲擊市民,議員、記者,警方遲遲未到場執法。昨晚向記者指自己「睇唔到錶」、拒回應提問的八鄉分區指揮官李漢民,在網民流傳的短片「現身」。片中可見,李與一群中年漢包括白衣人等交談,有人稱「畀我哋趕佢走」,李稱「心領嘅」、「唔使擔心 」,又輕拍一名白衣人肩膀。

網上瘋傳的片段顯示,有一名中年漢高聲向李漢民表明,「趕晒(市民)上車未?再唔走我哋就麻X煩啦,佢哋唔走,畀我哋趕佢走」,李則回應:「心領,不過我都唔想大家幫忙令到我哋辛苦」。他又稱「唔使擔心」,輕拍其中一名白衣人肩膀。有中年人稱,「我哋戥你哋警察心痛」。

中年漢:戥你哋警察心痛

廣告

有網民質疑,李與有可能毆打市民的嫌疑人「有講有笑,互相協調」。《立場新聞》晚上向警察公共關係科及李漢民發電郵查詢片段拍攝的時間,以及就網民質疑的回應,暫待回覆。

昨晚襲擊事件後,大批白衣漢退至西鐵站附近南邊圍村,元朗區八鄉分區指揮官李漢民在場執勤,有港台記者查問遲遲未見警員到場原因、以及警方到場時間。李回應時向記者稱:「遲唔遲呢,我唔知…我睇唔到錶呀,Sorry呀!」

廣告

指揮官昨晚責罵記者   「你唔好質問我」

他當時承認,據他所知,未就元朗群毆事件,拘捕任何人。在記者追問下,李顯得極不耐煩,「你唔好質問我先啦!」記者稱只是詢問,並非質問。

李一度稱不會回應單一記者問題,記者問是否需要全部傳媒到場才回應,又稱「唔通你叫晒佢哋落嚟,我驚咩?」李又向記者稱,「你咁樣係唔會令到我驚㗎!」

發表意見