立場新聞 Stand News

全因BB豬謝安琪

2015/6/13 — 6:12

在浪漫感覺沉澱過後,除了得出「謝安琪真係幾靚」嘅結論外,她所講的人話,聽起來卻好像火星話,好玄。 (謝安琪演出的廣告截圖)

在浪漫感覺沉澱過後,除了得出「謝安琪真係幾靚」嘅結論外,她所講的人話,聽起來卻好像火星話,好玄。 (謝安琪演出的廣告截圖)

可能係人太蠢,又唔及鍾樹根博士知識淵博,有些廣告,唔知點解,睇來睇去,都係滿腦子問號。

我所講的,係近期一個吸人眼球的廣告。吸睛,係因為主角是BB豬謝安琪。她人靚聲甜,纖纖十指在水晶琴鍵上舞動,以十級溫柔的聲線邊彈邊說:「堅持完美理念,擁抱明天科技,彈指之間,為商業客戶譜出雲端樂章」。唔知點解,一句普通之極的說話,出自謝安琪口,即時變得好有詩意。但在浪漫感覺沉澱過後,除了得出「謝安琪真係幾靚」嘅結論外,她所講的人話,聽起來卻好像火星話,好玄。

廣告連結:

廣告

如此玄之又玄的廣告,已經唔係九倉電訊第一次。他們之前已經有兩個廣告,同樣係深過黑洞。一個係人氣王Mandy Lieu彈結他,她的一句「九倉電訊? Sell咩?No mouth is too big」之玄妙,足以揮低黎明「左手又係肉,手心又係肉」的金句。另一個日韓組合Girls Kingdom又跳又唱演繹商業雲端功能,同樣堪稱廣告史上一大懸案。

廣告

廣告連結Mandy Lieu:

廣告連結Girls Kingdom:

唔明係正常,因為我們都係凡人。九倉電訊服務對象擺明是商業客,廣告自然唔係拍比路人甲睇。不過,我的問題是,廣告這一行凡事講求「On Target」,受眾既然唔係普羅大眾,咁點解又要拍電視廣告,仲要係師奶台播放,咁同倒錢入大海有咩分別? 若然他們的終極目標是要開拓受眾,爭取coverage,提高知名度,咁點解又要用上咁多jargon,拍完一個又一個咁難消化嘅廣告?

有時候,睇廣告,就好似睇「十萬個為什麼」,少一點智慧,都不能明白箇中真諦。就好似「團結香港基金」最近的一個報章廣告,主題明明係團結香港人,但就用上一班非一般港人,好似霍啟剛、林奮強、梁錦松、羅康瑞之類,然後加上一人一句「同心同德、齊創未來、迎接挑戰、擁抱未來」等的口號式宣傳。我好疑惑,一個咁離地嘅廣告,究竟能夠團結幾多人?

But anyway,懂不懂其實不重要,九倉電訊廣告每播一次,唔少人還是會坐定定的再看一遍,原因很簡單,就是因為她:BB豬。

原文刊於蘋果日報專欄

 

 

發表意見