立場新聞 Stand News

公民黨非同路人? 青政梁頌恆:因票源重疊須初選 不考慮是否同路人

2015/12/7 — 12:55

青年新政召集人 梁頌恆(無綫新聞片段截圖)

青年新政召集人 梁頌恆(無綫新聞片段截圖)

《蘋果日報》今日報道,青年新政梁頌恆受訪時表示公民黨並非同路人,報道刊出後引起熱議,梁則在facebook個人專頁批評《蘋果》報道「膠作」。目前外界普遍質疑「非同路人為何初選?」梁頌恆接受本網查詢時稱,應否舉行初選,要考慮的是雙方票源有否重疊,而非考慮是否「同路人」。他形容,希望在「非保皇陣營」透過初選,可減低資源虛耗及爭拗,令「非保皇陣營」在新東補選毋須相撞。

被問到青年新政對「同路人」定義為何,梁頌恆稱,如以「同路人」來分界,「可能好多人都係同路人」。梁頌恆指,青年新政在法治、民主的追求上,與公民黨相近,不能否認票源因而會有重疊;而當講到本土意識時,青年新政與一些本土派又有共同基礎,支持者差不多,今次新東補選任期短但消耗資源不少,認為初選是最有成本效益的方法。梁頌恆指初選「唔係分同唔同路人」 ,強調看的是票源重疊問題,舉例稱自己絕不會考慮與黃成智初選。

他認為坊間有先入為主的想法,本土派認為青政是「泛民B隊」,泛民認為青政是「黃毓民B隊」,因有這樣的懷疑,才會要求青政表態誰是同路人。

廣告

梁頌恆又指,自己在上週五接受《壹錘定音》訪問後,未有接受《蘋果》的訪問,稱青年新政稍後會發聲明,批評《蘋果》今日的報道,是根據上週五的《壹錘定音》「二次創作個報道出嚟」。

附:《壹錘定音》12月4日梁頌恆訪問節錄:

廣告

梁:8月(青年新政)內部投票意向係,如有同路人或理念相近嘅人會選,傘兵或本土派,我哋會支持;如果冇,我哋會嘗試約公民黨做初選。

李:即公民黨唔係同路人?

梁:唔excatly...唔係完全一樣,可能對民主嘅追求一樣,但對一國兩制、2047前途問題、港中關係,呢啲就係傳統泛民同公民團體論述最大嘅分別。

李:有邊啲團體係「嗰類人出嚟,你哋就會支持佢」?

梁:北區動源、本土民主前線。如果本民前嗰時打燈畀我,可能就冇呢個option。經過兩個月同唔同人傾,一盞綠燈都冇,去到11月,冇辦法,真係要傾,就畀封信公民黨。

李:范國威屬唔屬於同路人、你哋會支持?

梁:我能夠接受(范)

李:社民連同人力呢?

梁:本土派有啲立場一定要企,如香港人身份認同、本土生存空間,唔好講主權先,治權體系內嘅嘢,本土派的共識好強

李:即係傳統泛民團體,就算表現比較激嘅社民連同人力,係有分歧?

梁:唔係行為模式,係理念、立場

李:咁熱血公民呢?屬唔屬於同路人?

梁:中間有討論過程。第一部曲係社區參與,第二部曲係將執政意志帶入議會。只要符合第二部曲,我哋會叫同路人,佢上同我上呈現嘅論調都類似,我哋唔介意支持佢哋代我哋講。討論過政策倡議嗰套係咪差唔多,如果大家agree咪同路人。

《蘋果》今日報道:

發表意見