立場新聞 Stand News

六點分析撐薯片

2017/1/19 — 15:56

曾俊華參選特首記者會

曾俊華參選特首記者會

1. 薯片為官已久,其為人性格大概可從往績可見,佢畀人擲蛋後懂得英式幽默化解,政績雖乏善可陳,但未見有任何拆毀一國兩制的言論舉動,這與狼英上台前已被疑係共產黨人完全不同。當然佢唔係咩聖人,也有很多缺點,但聖人明君都罕有之極,你要等隨時等一百年。佢係會做SHOW,但政治裏誰都要做SHOW!

2. 在狼英這樣仆街的人治下,他敢於顯露出不一樣的路線,狼英話唔撐體育,佢去睇港隊波;狼英托詞話唔喺香港睇唔到港隊對中國,又唔肯話撐,佢在外地上網睇直播;回想雨傘,你一定記得狼英和奶媽的嘴險,但我想不起薯片有任何挑釁(犯法唔好果啲廢話是有的)。在一個愛耍黑材料鬥爭手段的暴君之下,佢利用香港嘅文明制度優勢保護,有膽展示另一條路線,這是有膽色。

3. 承2,佢一直展示嘅係同狼英完全不同的路線,這跟奶媽承襲狼英路線明顯不同。

廣告

4. 狼英將香港搞得如此不堪,唔係佢落台就可以平息心中的火。承襲狼英路線的奶媽勝出,亦即西環勝出,係一定唔會向狼英動真格(UGL五千萬)。但曾蔭權係狼英上台後被整的,而薯片是曾蔭權多年戰友,故你想狼英有應得下場,只有薯片上台才最有可能。

5. 係,上到台後,一個人會變,會變成怎樣?沒人知,屁股總決定腦袋,但這是選任何人都可以出現的結果,你也可以說葉劉上台後會變得慈眉善目,當然也可以說奶媽未上台已咁嘅衰樣選咗就仲衰----咁係咪不如選薯片?至少佢未上台前比任何人都能克制(當然我希望佢繼續克制)。

廣告

6. 胡官唔係唔好,問題係佢完全唔夠票,300+ all in都係射落海!

 

做完曬呢啲分析,我可以清楚表明,我係明撐薯片嘅。

利申:本文發於薯片宣布選特首期間,但本人決不是其助選團隊!哈哈!

(原刊於作者 facebook;標題為編輯所擬)

發表意見