立場新聞 Stand News

前線抗爭者:再老土也要說的「感謝」

2019/10/18 — 22:57

圖中人士非作者本人

圖中人士非作者本人

【文:STANDWITHHK】

(編按:一位早前曾投稿《立場新聞》的前線抗爭者再次來信,向幫助過他們的一眾香港人親筆致謝,並鼓勵香港人繼續抗爭。)

各位坐埋一條船嘅手足:

廣告

各位香港人,大家好呀!我知呢個年代好少人會寫信,就連我啲拍擋都話我老土。不過我唔怕老土。不知不覺抗爭已經 4 個多月,相信大家都非常難捱,無數個失眠夜,比起好多人,我哋有更多嘅體驗,希望有一日可以同大家一一分享。不過我哋呢封信嘅目的係「感謝」。

1. 感謝有出過嚟嘅手足:話唔定我哋有見過面㗎。無論咩年紀,勇武又好,和理非又好,唔好睇少自己存在嘅價值,每個人都好重要㗎。

廣告

2. 感謝發過聲嘅藝人:香港藝人,你知嗎?你哋嘅發聲其實係好重要,尤其你哋嘅 fans 有唔知幾多個比人打緊而仲傻傻咁等緊你哋一句「加油」。我哋一眾選咗 7 個特別要多謝,HOCC、Tommy 仔、天佑、杜汶澤、王宗堯、森美,周爸爸(排名不分先後)。就算你哋只喺香港發展,都唔會餓死你哋,希望大家永遠記得及支持一眾有良知嘅藝人。

3. 感謝報導真相嘅記者,消防、救護:好多謝記者咁辛苦都堅持報導真相,尤其昇哥,你係我哋偶像嚟。

4. 感謝提供免費餐飲嘅良心舗頭:我哋曾經都受過免費餐,我哋有幸去過,嗰時又攰,又冇乜錢,多謝「龍門」同「渣哥」。

5. 感謝一眾連登仔:我哋得好少人有連登 AC,就算有都冇留言,但我哋會睇,而家入面有好多鬼,但真香港人一定分得出真假連登仔,同埋想講,好多手足都好鍾意連登豬㗎。

6. 感謝捐過錢嘅手足:無論 612、星火也好,我相信係有人受惠,我哋自己冇用過(唔好問點解),我哋想靠自己,我想多謝信我哋嘅人,因為幾星期於 gogetfunding 我哋搞眾籌,冇諗過交代咁少都有人捐錢,其實我哋目標至少 25 萬,因為有太多用途,但我哋等籌得幾多得幾多,唔好睇少自己一千幾百,真係可以救急嘅,好多謝你哋。

最後香港人要加油要反抗,
我哋一定可以成功㗎 =)

 

一眾愛香港的市民 =)

 

(標題為編輯所擬)

發表意見