立場新聞 Stand News

劉小麗:只有向他們跪低的人才可參政? 斥選舉主任無按法庭要求給申辯機會

2018/10/12 — 21:01

被選舉主任裁定提名無效禁止參加九龍西補選的劉小麗,晚上和民主派 Plan B 參選人李卓人,以及多名民主派立法會議員一同見記者,劉小麗批評選舉主任完全扭曲她的政見和思想,「每一個論點都毫無道理」,質疑政府對參選的「紅線」不斷後移,「而家唔係紅線,係對佢唔喜歡嘅人淋紅油」,反問「係咪只有可以向佢地跪低嘅人先可以參政?」

選舉主任無給予申辯機會

劉小麗批評,政府今次的做法是粗暴踐踏香港的民意,和市民的基本參選權,「今日係我地全香港人都被人蝦,下一代仲有幾多腰骨同自由」,她特別提及在陳浩天選舉呈請案,法官區慶祥表明,選舉主任在決定一個參選人資格時,如果有懷疑應該給予參選人申辯機會,3月姚松炎參選時,選舉主任都有向姚松炎查詢,但今次同一名選舉主任「無俾機會我申辯,完全扭曲我思想」。她沒有詳細回應選舉主任指她一直支持包括香港獨立選項的民主自決,強調自己非常尊重一國兩制。

廣告

她又表示政府粗暴篩選候選人,「紅線不斷後移」,「到底呢個政權可以俾咩人參選?係咪只有可以向佢地跪低嘅人先可以參政?下一次選舉係咪連只係提出民主自由嘅人都要踐踏?」被 DQ 後她會全力支持Plan B李卓人,希望香港人能出來投票表態,「呢一票從來都唔係投俾劉小麗,係投俾所有香港人下一代,投俾整個香港社會,香港人一定要企起身,爭取應有嘅民主自由,係補選拎返屬於民主派嘅一席。」

劉小麗亦被問到,是否認為自己的政治生涯已經完結,她等同被「剝奪政治權利終身」,她就這條問題應該問中共和林鄭政府。

廣告

發表意見