立場新聞 Stand News

劉小麗、朱凱迪、香港眾志 共推民主自決 周永康、岑敖暉持旗撐場

2016/7/15 — 18:59

朱凱迪昨日出席多個團體舉辦的「集氣大會」

朱凱迪昨日出席多個團體舉辦的「集氣大會」

【文、圖、片:朝雲】

(一)

***

廣告

問:你係小麗民主教室的義工?

美國隊長:我第一日著依套衫。但我係心意上好支持小麗老師嘅活動。

廣告

小麗同朱凱迪嘅行動,真係為本土付出。只要為香港好,我都會支持。

***

問:你唔覺得後面一班人都係左膠?

美國隊長:你睇就好似好膠,但手指頭得十隻,做到乜嘢?就要做一啲真正改變到基層生活嘅行動。

我睇到小麗搞桂林日市;朱凱迪對付泥頭山,做唔少實事。好過有啲人鬧嗰個鬧依個,鬧來鬧去冇意思,凝聚唔到廣大市民嘅力量,推倒高牆。

 

(二)

小麗老師:民主運動的路上,好多人都會成為炮灰,但歷史的道路係由炮灰而成。

朱凱迪:係天星碼頭要拆的時候,我望住度閘有條罅。如果我唔做鵪鶉,我夠唔夠膽衝入去?

 

(三)

劉小麗、朱凱迪、香港眾志,共推民主自決。周永康、岑敖暉持旗撐場

棄黎保羅,眾志寧與王維基對決

***

劉小麗與朱凱迪,暨同香港眾志,舉辦造勢大會。原派兩人參選的香港眾志,黎汶洛決定棄選,力保羅冠聰爭港島席位。

眾志解釋除募款不足,無法盡數用於選舉;在黎與羅的取捨之間,他們寧選港島,與王維基的 ABC 路線對決。

反對袋住先的眾志認為,民主是原則,不同意王維基等候選人,以 Anyone but CY 招徠,急功近利,迴避制度方為肇因。認為自決才能根治問題,突破輪迴。

香港眾志多名成員

香港眾志多名成員

朱凱迪昨日出席多個團體舉辦的「集氣大會」

朱凱迪昨日出席多個團體舉辦的「集氣大會」

前學民思潮成員林淳軒

前學民思潮成員林淳軒

準備在九月立法會選舉參選的劉小麗

準備在九月立法會選舉參選的劉小麗

佔領期間的學運領袖周永康與岑敖暉

佔領期間的學運領袖周永康與岑敖暉

佔領期間的學運領袖周永康與岑敖暉

佔領期間的學運領袖周永康與岑敖暉

***

問:看到港大民調,黎汶洛的民望不算太差,勝過羅冠聰。取捨出於什麼考慮?

黃之鋒:其實兩區的勝算差不多,但定位不同。係民意調查,港島人最關心政治,比較容易講自決。

而且在九東要贏第五席,超越13%的謝偉俊好困難;但在港島要贏第六席,只須要超越5%的許智峯即可。

兩區同樣有難度,出於對民主運動的考慮,最終揀港島。

***

香港眾志黃之鋒

香港眾志黃之鋒

問:點睇青年新政民望勝過香港眾志?

黃之鋒:青年新政個名一定響過香港眾志,因為佢地選過區議會,有過選舉經驗,容易俾人認到。

***

香港眾志黎汶洛

香港眾志黎汶洛

問:黎汶洛發言時,謂他退選後,九龍東再沒有候選人支持自決。但同區還有陳澤滔,眾志會否支持?

黎汶洛:係推動民主自決嘅路上,我地推動「三五十年計劃」,三年內推動社區議題公投;五年內推動香港約章;十年內推動公投自決。希望候選人承諾推動這條自決路線,由社區自主開始。

第二就係主張非暴力抗爭,希望候選人解釋清楚抗爭的定位。暫未見九龍東有其他候選人,認同以上的自決路線,即使快必都係。但我地願意坐低傾。

黃之鋒:負責任嘅做法,係要先同對方協商;亦希望所有候選人,都能夠交代對自決的立場。

***

香港眾志羅冠聰

香港眾志羅冠聰

問:選情不樂觀,有沒有最壞打算,眾志一席都攞唔到?

羅冠聰:有心理準備。堅持係港島選,因為 ABC 路線的最大旗手,就係王維基。所以我地揀有最大張力的港島,視為民主運動的對決。

***

後記:

黎汶洛的女友是前學民成員。無論學民內外,參與過反國教運動,都知道她是誰。是夜集會,她一如以往在台下守候,筆者亦傻到特意找她問好。

 

原刊於作者 facebook

發表意見