立場新聞 Stand News

劉慧卿不認同「三分天下」論 指梁天琦競選物資「多到令人驚嘆」

2016/3/1 — 11:40

本土民主前線發言人梁天琦,在新界東補選中取得66524票,得票率15.32%,排名第三。民主黨主席劉慧卿今早表示,對梁天琦指本土能與建制和泛民「三足鼎立」「三分天下」的說法有保留,認為沒實際數字及民調證明,相信到今屆立法會選舉時「啲票會周圍走」。她又稱,觀察到梁天琦競選物資多得令人驚嘆,甚至比公民黨的楊岳橋多,雖然現時法例沒有規定交代財政來源,但認為從政的人也應該解釋。

對此本土民主前線隨即在Facebook專頁回應,「唔好話你……果(嗰)日收番晒D牌仔番黎…我都覺得好得人驚。我地個office仔就咁爆炸左(咗)...」以揶揄劉慧卿,並借此感謝最少800名義工,「真係多人到我地都驚!」

劉慧卿:9月選舉有別

廣告

劉慧卿今早出席DBC數碼電台節目時稱,假如梁天琦參與9月立法會選舉,也未必會與今次新界東補選一樣,得到那麼多選票,但相信部分泛民票源會流向本土派。她強調,尊重選民決定,並仍然相信絕大部分港人不支持暴力,假如本土派成功進入立法會,民主黨會尊重。

梁天琦在選舉後表示,主流傳媒和泛民口中的「暴徒」取得6.6萬人民授權,證明過往的非主流有人支持,相信港政治從此不再是泛民、建制二元對立,而是「三足鼎立」,揚言今後將是「建制派、泛民主派、本土派,三分天下」。對此,劉慧卿表示不認同:

廣告

「個嘴生喺你塊面,你講乜都得,但要畀啲事實嚟證明吖嘛。如果第日睇民調,證明你真係咁勁,你真係攞到,咁你咪分囉,或者你攞晒(選票)添呢!唔好三分(天下)咁謙啦!」

她補充,今次補選有逾40萬選民投票,「6萬(票)點會三分啫?你識唔識計數啫?」她指自己參政廿幾年,知道選民會有最終決定,認為選民在9月的投票和今次補選不會「一式一樣」。

承認梁天琦多人年輕年協助

她承認很多年輕人協助他們,但認為梁天琦的物資,例如直幡和橫額等,「多到令人好吃驚」、「多到令人驚嘆」,甚至有人跟她說,梁的物資多過民建聯周浩鼎,「(他們)啲錢點嚟,就真係要問下天問下地,咁咪叫佢哋解釋囉」。她強調自己客觀公正地說。同場的主持人表示自己是新界東選民,也表示就他所見,梁天琦的街站數目「拍得住」周浩鼎。

她強調尊重香港選民的決定,但仍然非常相信絕大部分香港人不支持暴力,不支持打爛財物、傷人,甚至殺人,但承認是有人會支持的,並稱是特首梁振英推這些人出來的。

指昂山素姬籲香港勿行暴力路

另外,對於民主黨早前在立法會反對譴責旺角騷亂,劉慧卿表示當日不在場,沒有參與辯論和投票,不知黨友為何反對或棄權,「我當日唔喺香港,喺緬甸,可能見緊昂山素姬,而昂山素姬就講到明反暴力嘅,佢亦都叫我哋香港唔好行嗰條路。」

她強調自己是反對和譴責暴力的,「警察打人梗唔啱,但第二啲人打警察打記者,亦都唔啱喎!咁我點會唔譴責呢啲行為呢?啲人話你係咪同佢『切割』,我梗係『切割』啦![『切割』到不得了!呢啲完全唔係我哋民主黨支持和認同的做法。」

陳雲等本土派擬參選 「佢入到去,祝香港好運」

談到由現任無黨派立法會議員黃毓民,聯同熱血公民黃洋達、鄭松泰、鄭錦滿、香港復興會主席陳雲等組成的辭職公投聯盟,昨日表示計劃參選9月立法會選舉,劉慧卿回應稱,「你姓陳姓黃姓乜,有本事咪去選囉!上屆9個議席有19條隊,你走嚟新東搞48條隊吖笨。」

她又重申尊重選民的選擇,「佢入到去,咪祝香港好運囉!有句說話,就係『有咁嘅人民,就有咁嘅政府』,用嚟形容香港,從某個角度都貼切;有咁嘅選民,就有咁嘅立法會議員,雖然得35席(直選),無辦法喎,有咩好講啫。」

被主持人形容在溫和派光譜做了多年議員,劉慧卿似乎不認同自己溫和,隨即反駁稱:「其實以前從來無人形容我溫和,因為其實我講嘢都好硬淨,但而家你話溫和就溫和啦。我啲人我係咪真係溫和,啲人都唔答架... (如果)無暴力就係變咗溫和呢,咁我係溫和,因為我係反暴力嘅,和理非非。」

發表意見