立場新聞 Stand News

劉 sir 的Freudian slip

2019/9/30 — 16:22

劉業成(警方圖片)

劉業成(警方圖片)

【文:張萬鴻】

劉業成臨時副處長嘅《致同袍書》,好似虚構嘅《Avengers》香港版:

有一班人(總之就係黃絲啦),用假新聞、宣揚仇恨警察、煽動學生暴力示威;幸而香港還有「盡忠職守、義無反顧」嘅警隊頂住,不致毁於一旦;當務之急係「去除仇恨之根」(即係班黃絲)、信任警隊「撥亂返正」(就算有市民不認同),咁香港就可以「安」、「可以為善」嘞。

廣告

老黃賣瓜、自讚自誇;內部傳閱、堪稱一絕。

三個位:

廣告

1. 說警隊被「世界上最大的謊言」抹黑為黑警,這本身就是「世界上最大的謊言」!隨手一數:721的警黑勾結、831的打錯人封錯站...數不盡的直播片,劉sir以為一句「被抹黑」就可以解釋過去?將來在人權法庭他可以再試試這樣為自己辯護。

2. 劉sir引《老子》話「就算有市民不認同」,警隊都要「撥亂返正」,佢以為「和大怨必有餘怨」嘅意思係「成大事者不拘小節」,當然錯得離譜。仲攪笑係學咗《九品芝麻官》裡荒唐鏡點句,將「安可以為善」嘅問句、解為:「安」全、就「可以為善」。老子原句的意思是提醒無論用咩方法幫兩下和解,都會有剩怨,所以反問咁點能夠叫「善」呢;言外之意是「不以怨為怨」始可。(見下文「天道無親常與善人」可知)

3. 劉sir引黃石公嚟誇讚警隊,有人認為佢哋近三個月嘅表現,絕對唔配。我認為呢句卻是最絕。

劉sir所說的比他所知的還多:用正面嘅讚語誇獎、以掩飾劣行昭彰嘅警隊,反而暴露咗警隊墮落嘅原因!

《善書》嘅「守職而不廢,處義而不回」係「盡忠職守、義無反顧」之意;若能做到的確係公務員之傑。

審之於警隊誓言「不對他人懷惡意,不敵視他人。絕對服從上司合法的命令」,警員既知誓言是合宜(義)的、有無謹守而不退縮(回)呢?

究竟警隊做唔做得到,網上有數不盡的直播片,市民有目共睹,答案係離曬大譜,冇得spin。

但係,點解警隊攪成咁?咪就係呢兩句嘅錯解囉。

「守職不廢」,被解釋成絕對服從上司嘅命令:叫你打頭就打頭!忘記咗係「合法」嘅命令才要服從。

「處義」之「義」,係公正、合宜,即正義。喺警隊裡面卻解釋為互相包庇嘅「義氣」!差之毫釐、謬以千里。結果是一個警察用私刑毆打被拘捕者、其他警察驅趕記者、唔准影相!或用盾牌遮掩其違法惡行!

劉sir嘅Freudian slip,妙到毫巔!

佢話「我回歸警隊其中沒有任何個人原因」,不為名利云云。很好,那就為了「義氣」,與其他警隊高層一同名列制裁名單,專心留在大灣區退休吧。


作者自我簡介:兄弟爬山,各自努力


 

發表意見