立場新聞 Stand News

加碼求路,求到都行唔通

2019/10/4 — 14:44

尋路人今日正式加碼,由百萬加到千萬,誓要繼續為香港尋找一條出路。

今時今日,很多個人及機構都不知如何自處,獨善其身既難,待人處世更加難,但求好橋,順利過渡。公關災難,日日發生,君不見美心、國泰、大班、港鐵、優品360、吉野家等數之不盡的都紛紛先後出事,而且情況最差的,不是順得哥情失嫂意,而是兩邊不是人,黃藍皆不討好,換來「雙失」的結果。

政府就更加唔使講,求好橋卻無人問津。至怕比豬更差的隊友,邊有人敢攪?一個唔覺意,以後唔使出嚟行。就好似上次話說政府出了公關標書,八間應邀參加的國際公關公司全部拒絕。聽行家講,近兩日政府又再接再厲兼唔信邪,再發標書,又即管睇吓於重賞之下到底能否找到一個勇夫。

廣告

這段時間,每日都有很多「智者」行出嚟,乜乜專家、什麼政客,登廣告的登廣告、做訪問的做訪問、開記者會的開記者會,但攪來攪去,繼續烽煙四起,根本就冇人幫到手。

尋路人由百萬加碼去到千萬,睇嚟睇去都睇唔透,其出發點是求一條橋,定一條路?香港人出名醒目兼轉數快,從來唔愁冇橋。所以說穿了,這個尋路人其實並非要搵一條「橋」,準確而言,佢係要搵一條「路」,而這條路早已閉塞多時,要重新開通,一定要解決源頭。正所謂「比條路嚟行吓唔該」,倘若條路通了,千百條好橋,自然水到渠成。繼我話,百萬、千萬一定可以求得好橋,但路,並唔係用錢就能求得到的。

廣告

 

發表意見